కోలీవుడ్ యంగ్ హీరో 'ధనుష్' తన నటన తోనే కాకుండా.. వినూత్న స్టోరీ సెలెక్షన్స్ తో తనకంటూ సెపరేట్ క్రేజ్ సంపాదించుకున్నాడు. గత ఏడాది విడుదలైన 'అసురన్' చిత్రం తో వేరే లెవెల్ యాక్టర్ గా మళ్లీ తనని తాను ప్రూవ్ చేసుకున్నాడు. ఇప్పుడు ధనుష్ ఖాతాలో రెండు మూడు చిత్రాలున్నాయి. కార్తీక్ సుబ్బరాజ్ దర్శకత్వం వహిస్తున్న 'జగమే తంత్రం', మారి సెల్వరాజ్ 'కర్ణన్' తో పాటు బాలీవుడ్ లో 'అత్రాంగి రే' అనే చిత్రం కూడా వుంది.
ఇంతకుముందే ధనుష్ బాలీవుడ్ లో ఒకటి రెండు చిత్రాలు చేసాడు.. అవి బాక్సాఫీస్ దగ్గర సక్సెస్ కూడా అయ్యాయి. ఇక ఈ చిత్రం విషయానికొస్తే 'ఆనంద్ ఎల్ రాయ్' దర్శకత్వం వహిస్తుండగా 'ధనుష్' సరసన సారా అలీ ఖాన్ నటిస్తుంది. అక్షయ్ కుమార్ కూడా ఇందులో ఒక కీలక పాత్ర పోషిస్తున్నాడు. తాజాగా ఈ చిత్రం యొక్క షూటింగ్ త్వరలో మధురై లో మొదలవుతుందని డైరెక్టర్ ఆనంద్ ఒక ప్రముఖ పేపర్ కి ఇచ్చిన ఇంటర్వ్యూ లో చెప్పుకొచ్చారు.
అయితే తాజాగా ధనుష్ - సారా ల చిత్రం ఒకటి వైరల్ అవుతుందని.. అది లాక్ డౌన్ కు ముందు వారణాసిలో షూటింగ్ జరుగుతున్నప్పటి ఫోటో అని క్లారిటీ ఇచ్చారు. ఏ.ఆర్.రెహ్మాన్ ఈ చిత్రానికి సంగీతం అందిస్తున్నారు.
