విజయ్, సూర్య, ధనుష్... ఈ ముగ్గురూ తెలుగులో సినిమాలు చేయ‌డానికి ఉత్సాహం చూపిస్తున్నారు. విజయ్, ధనుష్ సినిమాల‌కు సంంధించి ఇప్ప‌టికే అధికారిక ప్ర‌క‌టన వ‌చ్చేసింది. ధనుష్ - శేఖ‌ర్ క‌మ్ముల కాంబినేష‌న్ లో ఓ సినిమా రానుంది. ధనుష్ తెలుగులో నేరుగా చేస్తున్న తొలి సినిమా ఇదే.
అయితే ఈ సినిమాతో పాటుగా మ‌రో రెండు క‌థ‌ల‌కు ధనుష్ గ్రీన్ సిగ్న‌ల్ ఇచ్చేశాడ‌ని ఇండ్ర‌స్ట్రీ వ‌ర్గాల టాక్‌. తొలి ప్రేమ, రంగ్ దే సినిమాల‌తో ఆక‌ట్టుకున్నాడు వెంకీ అట్లూరి. ఇప్పుడు ధనుష్ కోసం ఓ క‌థ రాసుకున్నాడ‌ని స‌మాచారం అందుతోంది.
ఈ చిత్రాన్ని సితార ఎంట‌ర్‌టైన్‌మెంట్స్ సంస్థ తెర‌కెక్కించే అవ‌కాశాలు క‌నిపిస్తున్నాయి. ధనుష్ తో పాటుగా సాహో ద‌ర్శ‌కుడు సుజిత్ కూడా ధనుష్ తో సినిమాలు చేయ‌డానికి విశ్వ ప్ర‌య‌త్నాలు చేస్తున్నాడ‌ని తెలుస్తోంది. సాహో త‌ర‌వాత.. సుజిత్ మ‌రో సినిమా చేయలేదు. అయితే బాలీవుడ్ లో ఓ చిత్రాన్ని చేసే అవ‌కాశం ద‌క్కించుకున్నాడు. ఆ ప్రాజెక్టు ఇప్ప‌టి వ‌ర‌కూ ముందుకు క‌ద‌ల్లేదు.
ఈలోగా ధనుష్ ని లైన్ లో పెట్టుకోవాల‌నుకుంటున్నాడు. అంటే... ధనుష్ కోసం తెలుగులో మూడే క‌థ‌లు రెడీ అవుతున్నాయ‌న్న‌మాట. వీటిలో ముందుగా శేఖ‌ర్ క‌మ్ముల సినిమానే ప‌ట్టాలెక్క‌బోతోంది. మిగిలిన రెండు సినిమాల‌కు సంబంధించిన పూర్తి వివ‌రాలు త్వ‌ర‌లో వెల్ల‌డ‌వుతాయి.
