ఇరుప్పం వీడు శశిధరన్ (69)- ఐవీ శశిగా అందరికి సుపరిచుతులైన ప్రముఖ దర్శకుడు ఇక లేరు.
అందుతున్న సమాచారం ప్రకారం- ఐవీ శశి ఈరోజు ఉదయం చెన్నైలోని సాలిగ్రామం నందు ఉన్న ఆయన ఇంటిలో తుదిశ్వాస విడిచారు. ఆయన గత కొంతకాలంగా ఆనారోగ్యంతో భాధపడుతున్నారు. ఇక ఆయన తన సినిమా కెరీర్ లో మలయాళంతో పాటుగా పలు హిందీ చిత్రాలకి దర్శకత్వం వహించారు.
మొత్తంగా ఆయన కెరీర్ లో 150 చిత్రాలకి దర్శకత్వం వహించారు. మలయాళ సూపర్ స్టార్ మమ్మూట్టి ని హీరోగా పరిచయం చేసిన ఘనత కూడా ఈయనకే దక్కుతుంది. ఆయన వ్యక్తిగత జీవితానికి వస్తే, ప్రముఖ నటి సీమని వివాహం చేసుకున్నారు, వీరిరువురికి ఒక అమ్మాయి, అబ్బాయి ఉన్నారు.
ఐవీ శశి అకాల మృతికి పలువురు సినీ ప్రముఖులు తమ సంతాపాన్ని తెలియచేశారు.
