రాజ‌కీయాల‌తో బిజీగా ఉన్న పవన్ క‌ల్యాణ్ మ‌ళ్లీ సినిమాల‌వైపు రావాల‌ని ఆయ‌న అభిమానులు కోరుకుంటున్నారు. ప‌వ‌న్‌ని రంగంలోకి దించాల‌ని చాలామంది ద‌ర్శ‌క నిర్మాత‌లు గ‌ట్టిగా ప్ర‌య‌త్నిస్తున్నారు కూడా. పవన్ కోసం కొంత‌మంది క‌థ‌లు సిద్ధం చేసుకున్నారు. పవన్ రీ ఎంట్రీ ఖాయ‌మ‌ని వార్తలు కూడా పుంఖాను పుంఖాలుగా వ‌చ్చేశాయి. వాటిని పవన్ వ‌ర్గం ఎప్ప‌టిక‌ప్పుడు తోసి పుచ్చుతూనే ఉంది. అయితే ఈసారి మాత్రం పవన్ సినిమాలు చేయ‌డం ప‌క్కా అని గ‌ట్టి న్యూస్ వినిపిస్తోంది.
ఈసారి పవన్ తో సినిమా చేయించ‌డానికి స్వ‌యంగా రామ్ చ‌ర‌ణ్ రంగంలోకి దిగాడ‌ని, పవన్ రీ ఎంట్రీ ఎట్టిప‌రిస్థితుల్లోనూ మిస్ అవ్వ‌ద‌ని ఫిల్మ్ న‌గ‌ర్‌లో గ‌ట్టి టాక్ వినిపిస్తోంది. పవన్ కోసం ఇప్పుడు క్రిష్ ఓ క‌థ ని సిద్ధం చేశార‌ని టాలీవుడ్ టాక్. పవన్ ఈ క‌థ‌తోనే రీ ఎంట్రీ ఇవ్వ‌డం ఖాయ‌మ‌న్న సంకేతాలు బ‌లంగా వినిపిస్తున్నాయి. క్రిష్ క‌థ‌ల‌న్నీ ఓ సామాజిక నేప‌థ్యంతో సాగేవే. అలాంటి క‌థ‌లంటే ప‌వ‌న్‌కీ ఇష్టం. సో.. ఈ కాంబినేష‌న్‌కి ఈసారి ఢోకా ఉండ‌బోద‌ని తెలుస్తోంది. చ‌ర‌ణ్ కూడా గ‌ట్టిగా పూనుకుంటే పవన్ మ‌ళ్లీ కెమెరా ముందుకు రావ‌డం త‌థ్యం.
