వరుస హిట్స్‌తో స్పీడు మీదున్న మారుతి బండికి 'శైలజారెడ్డి అల్లుడు' సినిమాతో బ్రేకులు పడ్డాయి. దాంతో కాస్త బ్రేక్‌ తీసుకుని, మెగా మేనల్లుడు తేజుతో సినిమాకి సిద్ధమయ్యాడు. అదే 'ప్రతిరోజూ పండగే'. అంతవరకూ హీరోకి ఏదో ఒక లోపం పెట్టి, మూస కథల ఫార్ములాతోనే సూపర్‌ హిట్స్‌ కొట్టేశాడు మారుతి. కానీ, 'శైలజారెడ్డి అల్లుడు'కి కాస్త ఛేంజ్‌ అంటూ హీరోయిన్‌కి ఈగో పెట్టి ఫెయిలయ్యాడు. కానీ, ఈ సారి మాత్రం లోపాన్ని పూర్తిగా పక్కన పెట్టేశాడు మారుతి. ఫ్యామిలీ ఎమోషన్‌ని అస్త్రంగా వాడుకున్నాడు. ఆ అస్త్రం బాగానే కలిసొచ్చింది. అంతేకాదు, గీతా ఆర్ట్స్‌, యూవీ క్రియేషన్స్‌ బ్యానర్‌లో రూపొందిన 'భలే భలే మగాడివోయ్‌' చిత్రంతోనే మారుతి దశ తిరిగింది.
ఇప్పుడు అదే బ్యానర్‌లో రూపొందిన తాజా చిత్రం 'ప్రతిరోజూ పండగే' కూడా సూపర్‌ హిట్‌ టాక్‌ సొంతం చేసుకుంది. లేటెస్ట్‌గా ప్రేక్షకుల ముందుకొచ్చిన ఈ చిత్రం పోజిటివ్‌ టాక్‌తో మంచి వసూళ్లు రాబడుతోంది. ఓపెనింగ్స్‌ బాగున్నాయి. మొత్తానికి తేజు 'చిత్రలహరి' సక్సెస్‌ని కంటిన్యూ చేయగా, మారుతి కలిసొచ్చిన బ్యానర్‌తో సిసలైన హిట్‌ కొట్టాడు. ఇదిలా ఉంటే, ఇదే బ్యానర్‌లో మారుతి ముచ్చటగా మూడో సినిమాకీ గ్రీన్‌ సిగ్నల్‌ ఇచ్చాడని ప్రచారం జరుగుతోంది. త్వరలోనే ఆ వివరాలు వెల్లడి కానున్నాయట.
