కామెడీ, ఫ్యామిలీ ఎంటర్టైనర్ చిత్రాలకు కేరాఫ్ అడ్రెస్ అయిన మారుతి ఈమధ్య మంచి ఫామ్ లో ఉన్నారు. పోయినేడాది క్రిస్మస్ సీజన్లో సాయి ధరమ్ తేజ్ 'ప్రతి రోజు పండగ' సినిమాతో సూపర్ హిట్ సాధించారు. ఆ సినిమా తర్వాత అల్లు అర్జున్ తో సినిమా చేసేందుకు ప్రయత్నిస్తున్నారని వార్తలు వచ్చాయి. ఆ ప్రయత్నాలు ఎంతవరకూ వచ్చాయో తెలియదు కానీ మారుతి కొత్త సినిమా మరో హీరోతో ఫిక్స్ అయిందని టాక్ వినిపిస్తోంది.
యాక్షన్ చిత్రాల హీరో గోపిచంద్ కు ఈమధ్య మారుతి ఓ కథ వినిపించాడట. కథ నచ్చడంతో గోపీచంద్ వెంటనే గ్రీన్ సిగ్నల్ ఇచ్చారని సమాచారం. ఈ సినిమాకు ప్రీ ప్రొడక్షన్ వర్క్ మొదలు పెట్టారని అంటున్నారు. త్వరలోనే ఈ ప్రాజెక్టుకు సంబంధించిన అధికారిక ప్రకటన రానుందట. గోపీచంద్ ప్రస్తుతం సంపత్ నంది దర్శకత్వంలో 'సీటీ మార్' చిత్రంలో నటిస్తున్నారు. ఈ సినిమా పూర్తి చేసిన తర్వాత మారుతి సినిమాలో నటిస్తారట.
ఇదిలా ఉంటే మారుతి ఆధ్వర్యంలో వెబ్ సీరీస్ కూడా రెడీ అవుతోందని, అల్లు అరవింద్ ఓటీటీ ప్లాట్ ఫామ్ ఆహ కోసం ఈ వెబ్ సీరీస్ రూపొందిస్తున్నారని అంటున్నారు. గోపిచంద్ తో సినిమా ప్రారంభించేలోపు ఈ వెబ్ సీరీస్ ను పూర్తి చేసే ఆలోచనలో ఉన్నారట.
