'లౌక్యం', 'జిల్‌' సినిమాలతో వరుస హిట్లు అందుకున్న హ్యాండ్‌సమ్‌ హీరో గోపీచంద్‌ ఆ తర్వాత ఆ హిట్స్‌ని కంటిన్యూ చేయలేకపోయాడు. 'గౌతమ్‌నందా' సినిమాలో ద్విపాత్రాభినయం చేసి కూడా మెప్పించలేకపోయాడు. ఇప్పుడు 'పంతం' అంటూ వస్తున్నాడు. ముద్దుగుమ్మ మెహరీన్‌ ఈ సినిమాలో గోపీచంద్‌తో జత కడుతోంది. హీరోయిన్‌గా మెహరీన్‌ పాత్రకూ ఈ సినిమాలో ప్రాధాన్యత ఉండనుందట. 

మరోపక్క 'పంతం' సినిమాతో ఎలాగైనా హిట్‌ కొట్టాలనే కసితో ఉన్నాడు మనోడు. కె.కె.రాధామోహన్‌ నిర్మాణంలో చక్రవర్తి ఈ చిత్రాన్ని తెరకెక్కిస్తున్నారు. 'పంతం' ఫర్‌ ఏ కాజ్‌ అనే క్యాప్షన్‌తో ఈ సినిమా తెరకెక్కుతోంది. ఆ కాజ్‌ ఏంటనేది తెరపైనే చూడాలట. కానీ దాన్ని నెగ్గించుకునే దిశగా గోపీచంద్‌ ప్రయత్నాలు ఉంటాయట. గోపీచంద్‌ బాడీ లాంగ్వేజ్‌ గత చిత్రాలతో పోల్చితే కొంచెం కొత్తగా ఉంటుందట. 

స్టార్టింగ్‌ నుండీ, ఎండింగ్‌ వరకూ హీరో క్యారెక్టర్‌కి జస్టిఫికేషన్‌ ఉంటుందనీ చిత్ర యూనిట్‌ చెబుతోన్న మాట. తనకి బాగా సెట్‌ అయ్యే యాక్షన్‌ ఘట్టాలు చాలా బాగా తెరకెక్కించారనీ తెలుస్తోందీ సినిమాలో. చూడాలి మరి గోపీచంద్‌ ప్రయత్నం ఎంతవరకూ ఫలిస్తుందో. ఈ సారైనా తన పంతం నెరవేర్చుకుంటాడో లేదో. గోపీసుందర్‌ ఈ సినిమాకి మ్యూజిక్‌ ఇచ్చారు. జూలైలో సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.