'ఆఫీసర్‌'కి అదే అడ్వాంటేజ్‌.!

By iQlikMovies - May 31, 2018 - 11:50 AM IST

మరిన్ని వార్తలు

రేపు అనగా జూన్‌ 1న వరుస పెట్టి మూడు సినిమాలు రిలీజ్‌ అవుతున్నాయి. 'ఆఫీసర్‌', 'రాజుగాడు,', 'అభిమన్యుడు'. వర్మ - నాగ్‌ కాంబినేషన్‌లో తెరకెక్కిన 'ఆఫీసర్‌' సినిమాపై అంచనాలు బాగానే ఉన్నాయి. చాలా రోజుల తర్వాత ఫుల్‌ లెంగ్త్‌ యాక్షన్‌ రోల్‌లో నాగార్జున కనిపిస్తున్న చిత్రమిది. యాక్షన్‌ కంటెన్ట్‌తో పాటు, సెంటిమెంట్‌ డోస్‌ కూడా బాగానే ఉన్నట్లు కనిపిస్తోంది ఈ సినిమాలో. ఓ పాప కోసం ఆఫీసర్‌ చేసే సాహసాలతో వర్మ సరికొత్తగా ఈ చిత్రాన్ని తెరకెక్కించాడు. 

ఇకపోతే 'రాజుగాడు'. యంగ్‌ హీరో రాజ్‌తరుణ్‌ , అందాల భామ అమైరా దస్తూర్‌ జంటగా తెరకెక్కిన చిత్రమిది. ఎప్పుడో విడుదల కావల్సిన చిత్రమిది. ఈ సినిమాపై పెద్దగా అంచనాలు లేవు. మూస కథలతో రాజ్‌తరుణ్‌ బోర్‌ కొట్టించేస్తున్నాడు. అలాంటిది 'రాజుగాడు'తో రాజ్‌తరుణ్‌ ఏం చేస్తాడో. ఇకపోతే ముచ్చటగా మూడోది 'అభిమన్యుడు'. ఆల్రెడీ ఈ సినిమా తమిళంలో విడదలైంది. అయితే విశాల్‌ సినిమాలు కొత్తగా ఉంటాయి. 

'అభిమన్యుడు' సైబర్‌ క్రైమ్స్‌ ఆధారంగా తెరకెక్కిన చిత్రం కావడంతో ఆడియన్స్‌లో ఆశక్తి బాగానే ఉంది. తెలుగులో ప్రమోషన్స్‌ కూడా బాగా చేశాడు విశాల్‌. మరీ ముఖ్యంగా ఈ సినిమాలో సమంత హీరోయిన్‌గా నటించింది. సమంత ఇప్పుడు ఫుల్‌ స్వింగ్‌లో ఉంది. 'రంగస్థలం', 'మహానటి' చిత్రాలతో వరుస హిట్లు కొట్టింది. దాంతో డబ్బింగ్‌ సినిమా అయినా ఈ సినిమా వైపే ఆడియన్స్‌ ఎక్కువగా మొగ్గు చూపే అవకాశాలున్నాయనిపిస్తోంది. 

డైరెక్ట్‌ సినిమా, భారీ అంచనాలున్న సినిమా 'ఆఫీసర్‌' వైపు మొగ్గు చూపుతారా? లేక డబ్బింగ్‌ సినిమా అయిన 'అభిమన్యుడు'ని ఆదరిస్తారా? అనే ఫైనల్‌ డెసిషన్‌ ఆడియన్స్‌దే.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS