సుధీర్‌ వర్మ దర్శకత్వంలో తెరకెక్కుతోన్న చిత్రం 'కేశవ'. ఓ డిఫరెంట్‌ కాన్సెప్ట్‌ స్టోరీతో తెరకెక్కుతోన్న ఈ చిత్రంలో నిఖిల్‌ హీరోగా నటిస్తున్నాడు. కొత్త తరహా చిత్రాలకు కేరాఫ్‌ అడ్రస్‌గా నిలిచాడు నిఖిల్‌ ఈ మధ్య. 'ఎక్కడికి పోతావు చిన్నవాడా' అంటూ వచ్చి, కరెన్సీ కష్టాలున్న టైంలో కూడా హిట్‌ పట్టుకెళ్లిపోయాడు. ఆ తర్వాత నిఖిల్‌ ఏం చేస్తున్నాడా? అనే లోగానే 'కేశవ' సినిమాతో మన ముందుకొస్తున్నాడు. 'కేశవ' అని టైటిల్‌తో పాటు, నిఖిల్‌ కొత్త తరహా లుక్‌ని కూడా విడుదల చేసి ఇంట్రెస్ట్‌ పుట్టించారు. ఇక తాజాగా విడుదలైన ట్రైలర్‌ చూస్తుంటే శభాష్‌ నిఖిల్‌ నీ సెలక్షన్‌ సూపర్‌ అంటున్నారు. 'కేశవ' స్టోరీ అలా ఉంది మరి. విడుదల కాకుండానే సినిమాపై హైప్‌ క్రియేట్‌ అయిపోతోంది. 'పెళ్లిచూపులు' సినిమాతో పాపులర్‌ అయిన ముద్దుగుమ్మ రీతూ వర్మ ఈ సినిమాలో హీరోయిన్‌గా నటిస్తోంది. బాలీవుడ్‌ బ్యూటీ ఇషా కొప్పికర్‌ కీలక పాత్రలో నటిస్తోంది. ఎప్పుడూ చాక్లెట్‌ బోయ్‌లా సాఫ్ట్‌గా కనిపించే నిఖిల్‌ ఈ సినిమాలో చాలా రఫ్‌గా కనిపిస్తున్నాడు. రక్తపాతం సృష్టిస్తున్నాడు. ఇదో రివేంజ్‌ డ్రామా. నిఖిల్‌ నటన చాలా కొత్తగా ఉంటుందంటున్నారు. మ్యూజిక్‌ కూడా డిఫరెంట్‌గా ఉండబోతోందట. అందులోనూ ముఖ్యంగా చెప్పుకోదగ్గది 'కాలభైరవాష్టకమ్‌' దీన్ని ఓ పాటగా మలచి, అదిరిపోయే మ్యూజిక్‌ అందించినందుకు డైరెక్టర్‌ విజన్‌ని కీర్తించక తప్పదు. ఈ శ/క్రవారం ఈ సినిమా ప్రేక్షకుల ముందుకు రానుంది. మరో హిట్‌ నిఖిల్‌ ఖాతాలో పడిపోవడం పక్కా ఈ సినిమాతో.