నాగచైతన్య, రకుల్‌ ప్రీత్‌ సింగ్‌ జంటగా తెరకెక్కుతోంది 'రారండోయ్‌ వేడుక చూద్దాం'. టైటిల్‌ సరే కానీ, ఈ జంట మాత్రం ప్రేక్షకులను బాగా ఎట్రాక్ట్‌ చేస్తోంది. పోస్టర్స్‌ విషయంలో ఈ సినిమా టాప్‌ రేంజ్‌లో ఉంది. ఇంతవరకూ ఇలాంటి పోస్టర్స్‌ రాలేదనే అంటున్నారు. అంత బ్రైట్‌గా, ప్లెజెంట్‌గా అనిపిస్తోంది చైతూ, రకుల్‌ జంట. అందుకే ఆ జంటను తెరపై వీక్షించేందుకైనా ఈ సినిమాకి విచ్చేసి తీరాల్సిందే. పోస్టర్స్‌లో ఇద్దరూ చాలా జోష్‌గా, అందంగా కనిపిస్తున్నారు. ఇక ట్రైలర్‌ వచ్చాక సినిమాపై అంచనాలు రెట్టింపయ్యాయి. ఫస్ట్‌లుక్‌తోనే రకుల్‌ ప్రీత్‌ సింగ్‌ విజయం శంఖం పూరించేసినట్లుగా కనిపించింది. ట్రెడిషనల్‌ లుక్‌లో డప్పు వాయిస్తూ ఉన్న ఆమె అందానికి టాలీవుడ్‌ దాసోహం అంది. అలాగే వరుస విజయాలతో దూకుడు మీదున్నాడు చైతూ. ఈ సినిమా ఆ విజయాల పరంపరని కొనసాగించేలానే అనిపిస్తోంది. కళ్యాణ్‌ కృష్ణ దర్శకత్వంలో ఈ సినిమా తెరకెక్కుతోంది. నాగార్జున ఈ సినిమాకి నిర్మాతగా వ్యవహరిస్తున్నారు. కళ్యాణ్‌ కృష్ణ, నాగార్జున కాంబినేషన్‌లో తెరకెక్కిన 'సోగ్గాడే చిన్ని నాయనా' సినిమా కూడా ఇదే తరహాలో అలరించింది. అలాగే 'రారండోయ్‌' సినిమా కూడా విడుదలకు ముందే ప్రేక్షకుల్లో ఇంట్రెస్ట్‌ని క్రియేట్‌ చేస్తోంది. ఇంతగా అంచనాలు పెంచుతోన్న ఈ సినిమా ఈ నెల్లోనే ప్రేక్షకుల ముందుకు రానుంది. మరింకెందుకు ఆలస్యం తప్పకుండా ఈ అందమైన జంటని చూడ్డానికి వెళ్లాల్సిందే.