సంచలన దర్మశకుడు రామ్‌గోపాల్‌వర్మకి ఒకప్పటి అందాల తార శ్రీదేవి అంటే అమితమైన అభిమానం. అమెను వర్మలా ఆరాధించేవారు ఇంకొకరు ఉండరేమో. వీలు చిక్కినప్పుడల్లా శ్రీదేవిపై తన అభిమానాన్ని చాటుకుంటుంటారు వర్మ. తాజాగా శ్రీదేవి చిన్నప్పటి ఫొటో ఒకటి సోషల్‌ మీడియాలో పోస్ట్‌ చేస్తూ, ఈ చిన్నారి అందాల తారగా మారుతుందని, దేశంలోనే పాపులర్‌ నటి అవుతుందని ఎవరైనా ఊహించారా? అంటూ పేర్కొన్నాడు. నిజమే ఫొటో చూస్తే ఎవరూ ఈ చిన్నారి మేటి తార అవుతుందని అనుకోలేరు. కానీ బాల నటిగానే సినిమాల్లోకి ఎంట్రీ ఇచ్చి అందాల తారగా తెలుగు, తమిళ, హిందీ సినిమాల్లో ఓ వెలుగు వెలిగింది శ్రీదేవి. అక్కినేని నాగేశ్వరరావుతో నటించి, ఆయన తనయుడు నాగార్జునతోనూ నటించిన ఘనత శ్రీదేవికి మాత్రమే దక్కింది. కొంతకాలం గ్యాప్‌ తీసుకున్న తర్వాత కొత్త ఇన్నింగ్స్‌ ప్రారంభించిన శ్రీదేవి విలక్షణమైన పాత్రల్ని ఎంచుకుంటోంది. 'ఇంగ్లీష్‌ వింగ్లీష్‌' సినిమాతో రీఎంట్రీ ఇచ్చిన ఈ భామ కొత్తగా 'మామ్‌' అనే మరో సినిమాలో నటిస్తోంది. ఇంకో వైపున శ్రీదేవితో మళ్ళీ సినిమా చేయాలని రామూ ఉవ్విళ్ళూరుతున్నాడట. ఆ కోరిక త్వరలోనే తీర్చుకుంటాడేమో చూడాలిక.