శ్రీకాంత్‌ అంటే టాలీవుడ్‌ హీరో శ్రీకాంత్‌ కాదు. తమిళ నటుడు శ్రీకాంత్‌. తెలుగులో ఈయన పేరు శ్రీరామ్‌గా మార్చుకున్నారు. అసలు పేరు శ్రీకాంతే. తెలుగు ప్రేక్షకులకూ శ్రీకాంత్‌ సుపరిచితుడే. రవితేజతో 'నిప్పు', నాగచైతన్యతో 'దడ' తదితర చిత్రాల్లో నటించాడు. ఈయన సరసన టాలీవుడ్‌ బ్యూటీ నికీషా పటేల్‌ హీరోయిన్‌గా నటిస్తోంది. తమిళంలో ఈ ఇద్దరి జోడీలో ఓ సినిమా రూపొందబోతోంది. శ్రీరామ్‌ సినిమాలు తెలుగులోనూ విడుదలవుతాయి. 'పులి' సినిమాతో పవన్‌ కళ్యాణ్‌కి జోడీగా నటించి, తెలుగు ప్రేక్షకులకి సుపరిచితురాలయ్యింది నికీషా పటేల్‌. ఆ తర్వాత కళ్యాణ్‌రామ్‌తో 'ఓం' సినిమాలో నటించింది. ఇటీవలే సాయిరాం శంకర్‌తో 'అరకు రోడ్‌'లో సినిమాతోనూ సందడి చేసింది. కానీ హీరోయిన్‌గా అంతగా గుర్తింపు తెచ్చుకోలేకపోయింది. అమ్మడిలో ఉండాల్సినంత హాట్‌ అప్పీల్‌ ఉంది. గ్లామర్‌ డోస్‌ కూడా ఎక్కువే. కానీ తెలుగులో అవకాశాలే వరించడం లేదు. ఈ మధ్యనే ఓ పెద్ద సినిమాలో ఛాన్స్‌ తృటిలో మిస్‌ అయ్యింది. ఆ ఛాన్స్‌ కోసం పాపం ఈ భామ చాలా కష్టపడింది. కానీ ఫలితం దక్కలేదు. దాంతో తమిళంలో అదృష్టం పరీక్షించుకోబోతోంది ఈ బొద్దుగుమ్మ. బొద్దు భామలకి తమిళంలో క్రేజ్‌ ఎక్కువే. తెలుగులో అవకాశాల్లేకపోయినా, చాలామంది టాలీవుడ్‌ భామలు అక్కడ తమ హవా చూపిస్తున్నారు. అలాగే ఈ హాట్‌ బ్యూటీ కూడా కోలీవుడ్‌లో సెటిలైపోతుందేమో చూద్దాం.