దుల్క‌ర్ స‌ల్మాన్ క‌థానాయ‌కుడిగా వైజ‌యంతీ మూవీస్ ఓ చిత్రాన్ని నిర్మిస్తోంది. హ‌ను రాఘ‌వ‌పూడి ద‌ర్శకుడు. ఈరోజు దుల్క‌ర్ పుట్టిన రోజు. ఈ సంద‌ర్భంగా ఈ చిత్రానికి సంబంధించిన కాన్సెప్ట్ పోస్ట‌ర్ ని విడుద‌ల చేసింది. ఇందులో దుల్క‌ర్ రామ్ అనే సైనికుడిగా క‌నిపించ‌బోతున్నాడు.

1964 నేప‌థ్యంలో సాగే క‌థ ఇది. టైటిల్ ఇంకా ఖ‌రారు చేయ‌లేదు గానీ, యుద్ధంతో రాసిన ప్రేమ‌క‌థ అని మాత్రం ఓ ట్యాగ్ లైన్ ఇచ్చారు. దాన్ని బ‌ట్టి... కాన్సెప్ట్ ని అర్థం చేసుకోవొచ్చు. తెలుగు, త‌మిళ, మ‌ల‌యాళ భాష‌ల్లో ఈ చిత్రాన్ని తెర‌కెక్కిస్తున్నారు. విశాల్ చంద్ర శేఖ‌ర్‌సంగీతం అందిస్తున్నారు. క‌థానాయిక ని ఇంకా ఖ‌రారు చేయ‌లేదు. ప్ర‌స్తుతం చాలామంది పేర్లు ప‌రిశీల‌న‌లో ఉన్నాయి. త్వ‌ర‌లోనే క‌థానాయిక పేరు ప్ర‌క‌టించే అవ‌కాశం ఉంది.