'డిజె - దువ్వాడ జగన్నాథమ్‌' మ్యూజిక్‌ టీజర్‌ని విడుదల చేశారు. అందులో అల్లు అర్జున్‌ లుంగీ డాన్స్‌ అదిరింది. ఇందులో రెండు డిఫరెంట్‌ గెటప్స్‌లో అల్లు అర్జున్‌ కన్పిస్తాడు. హరీష్‌ శంకర్‌ డైరెక్షన్‌లో ఈ సినిమా తెరకెక్కుతోంది. రాకింగ్‌ స్టార్‌ దేవిశ్రీ ప్రసాద్‌ మ్యూజిక్‌ అందిస్తున్నారు. అల్లు అర్జున్‌, దేవిశ్రీ ప్రసాద్‌ కాంబినేషన్‌ అంటేనే టాపు లేచిపోద్ది. అల్లు అర్జున్‌ సినిమాలంటే దేవిశ్రీ ప్రసాద్‌కి పూనకమొచ్చేస్తుంది. అంతేకాదు ఈ ఇద్దరూ చాలామంచి స్నేహితులు కూడా. ఈ సినిమాకి దేవి కెరీర్‌ బెస్ట్‌ మ్యూజిక్‌ ఇచ్చాడని సమాచారమ్‌. గతంలో ఈ ఇద్దరి కాంబినేషన్‌లో వచ్చిన సాంగ్స్‌ అన్నీ సూపర్‌ డూపర్‌ హిట్సే. వాటన్నింటినీ తలదన్నేలా ఈ సినిమాలో పాటలు వుండబోతున్నాయట. దేవి రిధమ్‌కి తగ్గట్లుగా బన్నీ వేసే డాన్సులు ఎలా ఉంటాయో స్పెషల్‌గా చెప్పనక్కర్లేదు. ఈ సినిమాలో అంతకు మించిన రేంజ్ లో ఈ ఇద్దరూ పోటీ పడనున్నారట. ముద్దుగుమ్మ పూజా హెగ్దే హీరోయిన్‌గా నటిస్తోంది ఈ సినిమాలో. అమ్మడి హాట్‌ అప్పీల్‌కి కుర్రకారు ఇప్పటికే ఫిదా అయిపోతున్నారు టీజర్‌ ద్వారా. ఇక సినిమాలో అమ్మడి గ్లామర్‌ ఏ రేంజ్‌లో ఉండబోతోందో. వరుస హిట్స్‌తో దూసుకుపోతున్న అల్లు అర్జున్‌, మరో సెన్సేషన్‌కి రెడీ అయ్యాడు. త్వరలో పాటలు విడుదల కానున్నాయి. జూన్‌ 23న 'దువ్వాడ జగన్నాథమ్‌' ప్రేక్షకుల ముందుకొస్తాడు. అదీ సంగతి.