ఈ ఏడాది సంక్రాంతికి చిరంజీవి, బాలకృష్ణ పోటీపడ్డారు. అయితే ఒకరోజు అటూ ఇటూలో ఈ ఇద్దరు స్టార్‌ హీరోలు పోటీ పడ్డారు. ఇద్దరూ విజయం సాధించారు. అలాంటి ఇలాంటి విజయం కాదది. అలాగే అదే తరుణంలో యంగ్‌ హీరో శర్వానంద్‌ కూడా జోరు ప్రదర్శించాడు. ఈ ఇద్దరు స్టార్స్‌తో పోటీపడి తాను కూడా సత్తా చాటాడు. ఈ నెల్లో ముగ్గురు యంగ్‌ హీరోలు పోటీ పడడానికి సిద్ధమయ్యారు. మంచు మనోజ్‌ నటిస్తోన్న 'గుంటూరోడు', రాజ్‌తరుణ్‌ 'కిట్టు ఉన్నాడు జాగ్రత్త'తో పాటు, 'పెళ్లి చూపులు' హీరో విజయ్‌ దేవరకొండ 'ద్వారక' సినిమాతో ఒకే రోజు ప్రేక్షకుల ముందుకు వస్తున్నారు. ఈ మూడు సినిమాలు దేనికవే అన్నంతగా బరిలో నిలిచాయి. 'గుంటూరోడు' పక్కా మాస్‌ ఎలిమెంట్స్‌తో పవర్‌ ఫుల్‌ నమ్మకంతో విపరీతమైన అంచనాలతో వస్తుండగా, హ్యాట్రిక్‌ హీరో రాజ్‌ తరుణ్‌ సినిమాకి కూడా బోలెడన్ని అంచనాలున్నాయి. డిఫరెంట్‌ కాన్సెప్ట్‌తో వినోదం పంచబోతున్నాడు రాజ్‌ తరుణ్‌. ఈ ఇద్దరితో పాటు, 'పెళ్లి చూపులు' సినిమా ఊహించని స్థాయిలో స్టార్‌డమ్‌ సంపాదించుకున్న యంగ్‌ హీరో విజయ్‌ దేవరకొండ సినిమాపై కూడా అంచనాలు భారీగానే ఉన్నాయి. అలాగే ముద్దుగుమ్మల విషయంలో కూడా 'గుంటూరోడు' సినిమాలో ముద్దుగుమ్మ ప్రగ్యా జైశ్వాల్‌ అందంతో పాటు హాట్‌ అప్పీల్‌ కూడా ఇస్తోంది. అలాగే రాజ్‌తరుణ్‌ ఏకంగా ముద్దుగుమ్మ అనూ ఇమ్మాన్యుయేల్‌తో 'కిట్టు ఉన్నాడు జాగ్రత్త' సినిమాలో లిప్‌లాక్‌లు కూడా లాగించేశాట. సో ఏ రకంగా చూసినా ఈ మూడు సినిమాలు ఈ సారి బాక్సాఫీస్‌కి గట్టి పోటీ ఇచ్చేలానే కనిపిస్తున్నాయి.