ప్రభాకర్‌ అనగానే ముందుగా టీవీ సీరియల్సే గుర్తొస్తాయి. ప్రభాకర్‌ నటించిన పలు టీవీ సీరియల్స్‌ పాపులర్‌ సీరియల్స్‌గా పేరు తెచ్చుకున్నాయి. పలు చిత్రాల్లోనూ నటుడిగా కనిపించాడు ప్రభాకర్‌. అయితే ఆ ప్రభాకర్‌ ఇప్పుడు దర్శకుడుగా మారాడు. ప్రభాకర్‌ దర్శకత్వంలో తెరకెక్కుతోన్న సినిమా 'నెక్ట్స్‌ నువ్వే'.

ఈ సినిమా ట్రైలర్‌కి మంచి రెస్పాన్స్‌ వస్తోంది. ట్రైలర్‌ రిలీజ్‌ అయిన రోజే చాలా ఇంట్రెస్ట్‌ని క్రియేట్‌ చేసింది. ప్రస్తుతం సినిమా విడుదలకు సిద్ధమైంది. అతి త్వరలోనే ప్రేక్షకుల ముందుకు రానుంది. ఇదో హారర్‌ కామెడీ చిత్రం. ప్రోమోస్‌ బాగా ఎట్రాక్ట్‌ చేస్తున్నాయి. ప్రమోషన్‌ కార్యక్రమాలు వేగవంతం చేశారు. ప్రోమోస్‌ బాగా కనెక్ట్‌ అవుతున్నాయి. యంగ్‌ హీరో ఆది హీరోగా తెరకెక్కుతోన్న సినిమా ఇది. బుల్లితెర హాటెస్ట్‌ యాంకర్‌ రేష్మీ హీరోయిన్‌గా నటిస్తోంది. ఈ చిత్రాన్ని బన్నీ వాస్‌ నిర్మిస్తున్నారు. 

అయితే ఇదిలా ఉండగా, మరో రెండు సినిమాలు ప్రభాకర్‌ చేతిలో ఉన్నాయట. వాటిలో ఒకదానికి డైరెక్టర్‌ మారుతి నిర్మాతగా వ్యవహరిస్తుండగా, ఈ సినిమా ఆల్రెడీ షూటింగ్‌ జరుపుకుంటోంది. మరో సినిమాకి స్క్రిప్టు ప్రిపేర్‌ చేసే పనిలో ప్రబాకర్‌ ఉన్నాడు. దాదాపుగా ఆ స్క్రిప్ట్‌ కూడా ఓ కొలిక్కి వచ్చినట్లేననీ సమాచారమ్‌. ఎప్పటి నుండో డైరెక్టర్‌ కావాలన్నది ప్రభాకర్‌ కోరిక. ఆ కోరిక ఇన్నాళ్లకు నెరవేరింది. లేట్‌గ ఆయితేనేం లేటెస్టుగా డైరెక్టర్‌ అయిన ప్రభాకర్‌ వస్తూ వస్తూనే వరుస ఆఫర్లు దక్కించుకుంటున్నాడు. ఇంతకాలానికి వచ్చిన అరుదైన అవకాశంతో దూకుడు ప్రదర్శిస్తున్నాడు. ప్రభాకర్‌ దర్శకత్వంలో మంచి మంచి చిత్రాలెన్నో తెరకెక్కాలని ఆశిద్దాం.