క్ష‌ణం, గూఢ‌చారి లాంటి సినిమాల‌తో ఆక‌ట్టుకున్నాడు అడ‌విశేష్‌. వైవిధ్య‌భ‌రిత‌మైన థ్రిల్ల‌ర్ క‌థ‌ల‌కు ప్రాధాన్యం ఇస్తూ.. `ఏ` సెంట‌ర్ హీరోగా గుర్తింపు పొందాడు. త‌ను న‌టించిన `ఎవ‌రు` ఈ గురువారం విడుద‌లైంది. రెజీనా, న‌వీన్ చంద్ర కీల‌క పాత్ర‌లు పోషించిన ఈ చిత్రానికి మంచి స్పంద‌నే వ‌స్తోంది. విమ‌ర్శ‌కులు ఈ చిత్రాన్ని ఆకాశానికి ఎత్తేస్తున్నారు. ట్విస్టులు బాగుండ‌డం, దానికి న‌టీన‌టులు సాంకేతిక నిపుణుల ప్ర‌తిభ తోడ‌వ్వ‌డంతో - ఎవ‌రు హిట్ చిత్రాల జాబితాలో చేరిపోయింది.

ఈ చిత్రానికి తొలి రోజు 1.65 కోట్ల షేర్ వ‌చ్చింది. ఏ సెంట‌ర్లు గురువారం ఫుల్స్ అయ్యాయి. అయితే బీ, సీల‌లో మాత్రం వ‌సూళ్లు యావ‌రేజ్ స్థాయిలో ఆగిపోయాయి. అడ‌విశేష్ కి ఇదే బెస్ట్ ఓపెనింగ్ అని చెప్పొచ్చు. గూఢ‌చారి సినిమాకి తొలి రోజు కేవ‌లం 65 ల‌క్ష‌లే వ‌చ్చాయి. దాంతో పోలిస్తే... దాదాపు రెండింత‌ల మార్పు క‌నిపిస్తోందిప్పుడు. ప్ర‌పంచ వ్యాప్తంగా ఈ చిత్రాన్ని 7 కోట్ల‌కు అమ్మారు. శుక్ర‌, శ‌ని, ఆదివారాలు కాచుకుంటే.. ఆ డ‌బ్బులు తిరిగి సంపాదించ‌డం పెద్ద క‌ష్ట‌మేమీ కాదు.