డ్రగ్స్ రాకెట్ లో టాలీవుడ్ ప్రముఖుల పాత్ర పై ఇప్పటికే అనేక అనుమానాలు వ్యక్తమవుతున్న సందర్భంలో రామానాయుడు స్టూడియోస్ లో Excise పోలీసుల తనిఖీలు చర్చనీయాంశం అయ్యాయి.
వివరాల్లోకి వెళితే, డ్రగ్స్ మన దేశంలోకి అనేక మార్గాల్లో ప్రవేశిస్తున్న నేపధ్యంలో, విదేశాల నుండి వచ్చే పార్శిల్ల పైన అధికారులు నిఘా పెడుతున్నారు. ఇదే క్రమంలో ఒక పార్శిల్ రామానాయుడు స్టూడియోస్ కి రావడంతో పోలీసులు ఆ పార్శిల్ గురించిన వివరాల కోసం స్టూడియోకి వెళ్లారు.
ఇక ఈ విషయమై సురేష్ బాబు స్పందిస్తూ- రానాకి వెన్నునోప్పి నివారణ కోసం విదేశాల నుండి ఒక పరికరాన్ని తెప్పించామని , దానిని గురించే తెలుసుకోవడానికి అధికారులు వచ్చారని ఆయన తెలిపాడు.
