గ‌త సంక్రాంతికి సూప‌ర్ డూప‌ర్ హిట్ట‌యిన సినిమా `ఎఫ్ 2`. ఈసినిమాకి సీక్వెల్ తీయాల‌ని అప్పుడే ఫిక్స‌యిపోయారు. నిజాని 2021 సంక్రాంతికి ఈ సినిమా విడుద‌ల కావాల్సింది కూడా. కానీ.. క‌రోనా, లాక్ డౌన్ ల వ‌ల్ల ఈ సినిమా ప‌ట్టాలెక్క‌లేదు. ఎట్ట‌కేల‌కు ఈ సినిమా షూటింగ్ మొద‌ల‌య్యే అవ‌కాశాలు పుష్క‌లంగా క‌నిపిస్తున్నాయి. 2021 సంక్రాంతికి షూటింగ్ మొద‌లెట్టొచ్చ‌ని టాలీవుడ్ టాక్‌.

ఎఫ్ 2లో వెంకీ, వ‌రుణ్ తేజ్ న‌టించిన సంగ‌తి తెలిసిందే. ఎఫ్ 3లో మ‌రో హీరో కూడా న‌టిస్తాడ‌ని ప్ర‌చారం జ‌రిగింది. ఆ హీరో ఎవ‌రో ఇప్పుడు తేలిపోయింది. ఎఫ్ 3లో సునీల్ కి చోటు ద‌క్కింద‌న్న‌ది విశ్వ‌స‌నీయ వ‌ర్గాల టాక్‌. ఆ మూడో హీరో సునీల్ అని ఫిల్మ్ న‌గర్ లో ఓ వార్త చ‌క్క‌ర్లు కొడుతోంది.

అనిల్ రావిపూడి ఇప్ప‌టికే సునీల్ తో మాట్లాడాడ‌ని, సునీల్ కూడా ఈ ప్రాజెక్టులో న‌టించ‌డానికి ఉత్సాహం చూపిస్తున్నాడ‌ని టాక్‌. వెంక‌టేష్ చేతిలో `నార‌ప్ప‌` ఉంది. మ‌రో 20 రోజులు షూటింగ్ చేస్తే సినిమా పూర్తవుతుంది. ఆ వెంట‌నే.. ఎఫ్ 3 ని ప‌ట్టాలెక్కించేస్తార‌ని టాక్‌.