పైనే ప్ర‌భాస్ అభిమానులు ఎప్పుడెప్పుడా అని ఎదురుచూస్తున్న `సాహో` టీజ‌ర్ వ‌చ్చేస్తోంది. గురువారం ఈ టీజ‌ర్‌ని చిత్ర‌బృందం విడుద‌ల చేయ‌బోతోంది. తెలుగు, త‌మిళ‌, హిందీ భాష‌ల్లో ఒకేసారి టీజ‌ర్‌ని విడుద‌ల చేస్తారు. ఇంత వ‌ర‌కూ ఈ సినిమా క‌థ గురించి గానీ, క‌థానాయ‌కుడిగా ప్ర‌భాస్ పాత్ర గురించి గానీ చిత్ర‌బృందం ఎలాంటి స‌మాచారం ఇవ్వ‌లేదు. అయితే బ‌య‌ట అనేక క‌థ‌లు, క‌థ‌నాలు ప్ర‌చారంలో ఉన్నాయి. వాటిలో నిజ‌మేంట‌న్న‌ది టీజ‌ర్ చూస్తే అర్థ‌మైపోతుంది. ఇప్ప‌టికే ఈ సినిమాపై చాలా అంచనాలున్నాయి. క‌నీవినీ ఎరుగ‌ని రీతిలో బిజినెస్ జ‌రుగుతోంది. టీజ‌ర్ క్లిక్ అయితే.. సాహో రేంజ్ మ‌రింత పెరిగే అవ‌కాశం ఉంది.

సాహో రికార్డుల ప‌రంప‌ర టీజ‌ర్‌తోనే మొద‌ల‌వ్వ‌బోతోంద‌ని అభిమానులు ఆశిస్తున్నారు. విడుద‌లైన 24 గంట‌ల్లో అత్య‌ధిక వ్యూవ‌ర్స్ ఉన్న టీజ‌ర్‌గా సాహో రికార్డుల‌కెక్క‌డం ఖాయ‌మ‌ని ప్ర‌భాస్ అభిమానులు న‌మ్ముతున్నారు. వివిధ భాష‌ల్లో ఒకేసారి సాహో టీజ‌ర్‌ని విడుద‌ల చేయాల‌నుకోవ‌డం కూడా ప్ల‌స్ పాయింటే. ద‌ర్శకుడిగా సుజిత్ టేకింగ్ ఏ స్థాయిలో ఉంది? ప్ర‌భాస్ పాత్ర ఎలా ఉండ‌బోతోంది? అంత‌ర్జాతీయ ప్ర‌మాణాల‌తో ఈసినిమాని ఎలా రూపొందించారు? యాక్ష‌న్ స‌న్నివేశాల మాటేంటి? అనే అన్ని విష‌యాల‌పైనా ఈ టీజ‌ర్‌తో ఓ స్ప‌ష్ట‌త రానుంది.