ర‌వితేజ క‌థానాయ‌కుడిగా న‌క్కిన త్రినాథ‌రావు ద‌ర్శ‌క‌త్వంలో `ధ‌మాకా` అనే సినిమా రూపుదిద్దుకుంటున్న సంగ‌తి తెలిసిందే. శ్రీ‌లీల క‌థానాయిక‌గా న‌టిస్తోంది. `జాతి ర‌త్నాలు` ఫేమ్ ఫరియా అబ్దుల్లా కూడా ఈ చిత్రంలో న‌టించ‌డానికి ఒప్పుకుంది. `జాతిర‌త్నాలు` తో మంచి గుర్తింపు తెచ్చుకుంది ఫరియా. ఆ త‌ర‌వాత ఆమెకు అవ‌కాశాలు భారీగానే వ‌స్తున్నాయి. అందులో భాగంగా `ధ‌మాకా` ఛాన్స్ అందుకుంది. ఎప్పుడైతే.. ధ‌మాకాలో ఫరియా కూడా న‌టిస్తుంద‌న్న వార్తలు బ‌య‌ట‌కు వ‌చ్చాయో... అప్పుడే ఆ సినిమాలో ఫరియా రెండో నాయిక అనుకున్నారు.కానీ ఈ సినిమాలో ఫరియా హీరోయిన్ కాద‌ట.
ర‌వితేజ సోద‌రిగా న‌టించ‌బోతోద‌ట. హీరోయిన్ రేంజ్‌లో ఉండి.. సోద‌రి పాత్ర చేస్తోందంటే ఫరియా గ్రేటే అని చెప్పాలి. ఆమ‌ధ్య `బంగార్రాజు`లో ఐటెమ్ సాంగ్ కూడా చేసేసింది. ఈ లెక్క‌న ఫరియా.. ఎలాంటి పాత్ర‌లు చేయ‌డానికైనా సిద్ధ‌మ‌న్న సంకేతాలు పంపింద‌న్న‌మాట. ర‌వితేజ న‌టించిన `రామారావు ఆన్ డ్యూటీ` విడుద‌ల‌కు సిద్ధ‌మైంది. `రావ‌ణాసుర`, `టైగ‌ర్ నాగేశ్వ‌ర‌రావు` సెట్స్‌పై ఉన్న సంగ‌తి తెలిసిందే.
