ఫిదా చిత్రంతో తెలుగు ప్రేక్షకులని ఫిదా చేసేసిన శేఖర్ కమ్ముల తనకి బాగా కలిసివచ్చే అమెరికాలో తన సత్తా ఏంటో ఈ చిత్రంతో చూపించాడు.
ఈ చిత్రం ఇప్పుడు 2 మిలియన్ డాలర్స్ కొల్లగొట్టిన చిత్రాల క్లబ్ లో చేరిపోయింది. ఇక ఈ ఘనత సాధించడంతో తన పెదనాన్న పక్కనే నిలబడే అవకాశం కొట్టేసాడు వరుణ్. మెగా హీరోస్ లో ఈ ఇద్దరు మాత్రమే ఇప్పటికి అమెరికాలో 2 మిలియన్ డాలర్స్ క్లబ్ లో తమ చిత్రాలతో నిలబడ్డారు.
ప్రస్తుతం ఈ లిస్టు లో 7వ స్థానంలో ఉన్న ఫిదా, ముందుముందు ఎంతవరకు వెళ్ళనుందో ఇంకొన్ని రోజుల్లో తెలిసిపోతుంది. ఇక రెండు తెలుగు రాష్ట్రాల్లో విడుదల అయిన మూడు వారాల తరువాత కూడా హౌస్ ఫుల్స్ అవుతుండడం నిజంగా గ్రేట్ అని చెప్పొచ్చు.
