నాని - విక్ర‌మ్ కె.కుమార్ కాంబినేష‌న్‌లో వ‌చ్చిన చిత్రం `గ్యాంగ్ లీడ‌ర్`. మైత్రీ మూవీస్ సంస్థ నిర్మించింది. శుక్ర‌వారం విడుద‌లైన ఈ చిత్రానికి మంచి వ‌సూళ్లే వ‌చ్చాయి. మూడు రోజుల‌కు క‌లిపి దాదాపు 12 కోట్ల షేర్ సాధించింది. జెర్సీ సినిమా తొలి వారంతంలో 10.6 కోట్లు సాధించింది. ఈ ర‌కంగా చూస్తే - నాని గ‌త రికార్డు బ‌ద్ద‌లైన‌ట్టే. నైజాంలో 4.67 కోట్లు కొల్ల‌గొట్టిన గ్యాంగ్ లీడ‌ర్, సీడెడ్ (1.43 కోట్లు ), ఉత్త‌రాంధ్ర (1.57 కోట్లు)ల‌లో కూడా మంచి స్కోరే తెచ్చుకుంది.

గుంటూరులో 1.9 కోట్లు, ఈస్ట్ - వెస్ట్ క‌లిపి 2 కోట్లు సాధించింది. దాదాపుగా అన్ని ఏరియాల్లోనూ 50 శాతం రిక‌వ‌రీ చేయ‌గ‌లిగింది. సోమ‌వారం నుంచి గ్యాంగ్ లీడ‌ర్ ప‌రిస్థితి ఏమిట‌న్న‌ది ఆస‌క్తిక‌రం. వీకెండ్ అయిపోవ‌డంతో - గ్యాంగ్ లీడర్ వ‌సూళ్లు ప‌డిపోయే అవ‌కాశం ఉంది. ఈ శుక్ర‌ వారం వాల్మీకి విడుద‌ల అవుతోంది. అది ప‌క్కా మాస్ సినిమా. ఏమాత్రం ప‌ట్టినా - బీ, సీల‌లో వ‌సూళ్లు కుమ్మేస్తుంది. అలాంటి ప‌రిస్థితుల్లో గ్యాంగ్ లీడ‌ర్ మిగిలిన 50 శాతం రిక‌వ‌రీ చేసుకోవ‌డం క‌ష్ట‌మే.