శుక్ర‌వారం విడుద‌లైన `గ్యాంగ్ లీడ‌ర్‌`కి మిశ్ర‌మ స్పంద‌న ల‌భించింది. అయితే నాని సినిమాల‌కు ఉండే క్రేజ్‌తో పాటు, సోలో రిలీజ్ `గ్యాంగ్ లీడ‌ర్‌`కి క‌లిసొచ్చింది. తొలి రోజు ఓపెనింగ్ అదిరింది. జెర్సీ సినిమా 4.4 కోట్లు సాధిస్తే ఆ రికార్డుని దాటుకుని `గ్యాంగ్ లీడ‌ర్‌` 4.6 కోట్లు ద‌క్కించుకుంది. నైజాంలో 1.6 కోట్లు, సీడెడ్‌లో 50 ల‌క్ష‌లు, ఉత్త‌రాంధ్ర‌లో 60 ల‌క్ష‌లు, ఈస్ట్, వెస్ట్ క‌లిపి మ‌రో 60 ల‌క్ష‌లు వ‌చ్చాయి. శ‌ని, ఆదివారాలు కూడా వ‌సూళ్లు బాగానే ఉండే అవ‌కాశాలు క‌నిపిస్తున్నాయి.

తొలి మూడు రోజుల్లో 10 కోట్లు దాటే అవ‌కాశం ఉంది. ఈ సినిమాకి రెండు తెలుగు రాష్ట్రాల‌లోనూ 20 కోట్ల‌కు పైగానే బిజినెస్ జ‌రిగింది. అదంతా తిరిగి రావాలంటే మాత్రం సోమ‌వారం నుంచి కూడా వ‌సూళ్లు నిల‌క‌డ‌గా ఉండాల్సిందే. కానీ డివైడ్ టాక్ దృష్ట్యా... ఆ అవ‌కాశాలు త‌క్కువ‌గానే క‌నిపిస్తున్నాయి. నాని ఇమేజ్ ఒక్క‌టే.. గ్యాంగ్ లీడ‌ర్‌ని ర‌క్షించాలి.