గోల్మాల్ సిరీస్ బాలీవుడ్ లో భారీగా విజయవంతమైన ఫ్రాంచైజ్ అని చెప్పొచ్చు. గతవారమే విడుదల అయిన గోల్మాల్ అగైన్ చిత్రం బాక్స్ ఆఫీస్ వద్ద తన సత్తా చాటుతున్నది.
విడుదల అయిన కేవలం అయుదు రోజుల్లోనే ఈ చిత్రం రూ 100కోట్ల మార్క్ దాటడం విశేషం. నిన్నటికి ఈ చిత్రం ప్రపంచవ్యాప్తంగా సుమారు రూ 120కోట్లు వరకు రాబట్టినట్టు ప్రాధమిక అంచనా. దర్శకుడు రోహిత్ శెట్టి మరోసారి తనదైన శైలీలో ఈ చిత్రం హాస్యాన్ని చిత్రీకరించడంతో ఈ సినిమాకి ప్రేక్షకులు పట్టం కట్టారు అని చెప్పక తప్పదు.
అజయ్ దేవగన్, టబు, పరిణీతి చోప్రా, కునాల్ ఖేము, అర్షద్ వార్సి, శ్రేయాస్ తల్పాడే, ప్రకాష్ రాజ్ వంటివారు ప్రధాన పాత్ర పోషించిన ఈ చిత్రం బాక్స్ ఆఫీస్ వద్ద ఈ సంవత్సరపు అత్యధిక వసూళ్ళు సాధించిన చిత్రంగా రికార్డులకి ఎక్కింది.
ఈ చిత్రానికి తమన్ సంగీత దర్శకత్వం వహించడం విశేషం.
