గోపీచంద్ వ‌రుస ఫ్లాపుల్లో ఉన్నాడు. ఈ స‌మ‌యంలో విడుద‌ల‌వుతున్న చాణక్య‌కు ఎదురు దెబ్బలు త‌ప్పేట్టు లేవు. తిరు ద‌ర్శ‌క‌త్వం వ‌హించిన చిత్ర‌మిది. శ‌నివారం విడుదల కానుంది. సైరా ఎఫెక్ట్ చాణ‌క్య‌పై విప‌రీతంగా ప‌డే అవ‌కాశం ఉంది. ఎందుకంటే బుధ‌వారం విడుద‌లైన సైరా హ‌వా ఇంకా కొన‌సాగుతూనే ఉంది. ఈ సినిమాకి సూప‌ర్ హిట్ టాక్ రావ‌డంతో అంద‌రి దృష్టీ అటువైపే ప‌డుతోంది. సైరా చూశాకే... మిగిలిన సినిమాల‌వైపు ఫోక‌స్ చేస్తారు.

ఈ వీకెండ్ కుటుంబ ప్రేక్ష‌కుల ఛాయిస్ సైరాకే. పైగా... రెండు తెలుగు రాష్ట్రాల‌లోనూ ఎక్క‌డ చూసినా సైరానే క‌నిపిస్తోంది. థియేట‌ర్ల‌న్నీ సైరా చేతిలోనే ఉన్నాయి. అందులో చాణ‌క్య‌కి దొరికేవి చాలా త‌క్కువ‌. కావ‌ల్సినంత సంఖ్య‌లో థియేట‌ర్లు లేక‌పోవ‌డం పెద్ద లోటు. పైగా చాణ‌క్య యాక్ష‌న్ థ్రిల్ల‌ర్‌. కేవ‌లం ఓ వ‌ర్గానికే ప‌రిమితం అయిన కంటెంట్‌తో వ‌స్తోంది. ఇలాంటి ప‌రిస్థితుల్లో సైరా ధాటికి త‌ట్టుకోవ‌డం గోపీచంద్ సినిమాకి త‌ల‌కు మించిన ప‌నే.