ఎన్టీయార్‌ హీరోగా బాబీ దర్శకత్వంలో రూపొందుతున్న సినిమా 'జై లవ్‌ కుశ'. ఈ సినిమా కోసం ఐటమ్‌ సాంగ్‌ చేస్తోంది 'మిర్చి' గాళ్‌ హంసా నందిని. ఆ సాంగ్‌కి సంబంధించిన కాస్ట్యూమ్‌లో హంస ఇలా మెరిసిపోతోంది. మొత్తం చూపిస్తే కిక్కేంటి? అందుకే సోషల్‌ మీడియాలో సగం ఫొటోలతో కిర్రాకు పుట్టించేస్తోంది. ఇప్పటికే సోషల్‌ మీడియాలో ముద్దుగుమ్మలు తమ అందచందాలతో హొయలొలికిస్తున్నారు. తాజాగా ఆ ట్రాక్‌లోకి ముద్దుగుమ్మ హంసానందిని కూడా చేరింది. అయితే అందరిలా కాకుండా కొంచెం కొత్తగా కిక్కెక్కిస్తోంది ఈ ముద్దుగుమ్మ. ఈ భామతో ఐటెం సాంగ్‌ అదిరిపోయేలా ఉండనుందట ఈ సినిమాలో. నందమూరి కళ్యాణ్‌రామ్‌ ఈ చిత్రాన్ని నిర్మిస్తున్నాడు. ఎన్టీయార్‌ ఆర్ట్స్‌ బ్యానర్‌లో ఎన్టీయార్‌ నటిస్తున్న తొలి సినిమా ఇది. అన్నయ్య నిర్మాత, తమ్ముడు హీరో - కాంబినేషన్‌ అదిరిపోయింది. ఆల్రెడీ బాలకృష్ణతోనూ 'లస్కుటపా' అనే ఐటమ్‌ సాంగ్‌ చేసేసింది హంసా నందిని. హీరోయిన్‌గా హంసకి తొలి సినిమా 'అనుమానాస్పదం'. వంశీ దర్శకత్వంలో వచ్చింది ఆ సినిమా. అయితే ప్రభాస్‌ హీరోగా నటించిన 'మిర్చి' సినిమాలో ఐటమ్‌ సాంగ్‌ తర్వాతే ఆమె దశ తిరిగింది. అక్కడి నుండే ఐటెం భామగా వరుస అవకాశాలతో దూసుకెళ్లిపోతోంది. అప్పుడు బాబాయితో అలా..ఇప్పుడు అబ్బాయితో ఇంకెలా దుమ్ము దులిపేయనుందో ఈ లక్కీ ఐటెం బాంబ్‌ హంసానందిని.