'అనుకోకుండా ఓ రోజు' సినిమాతో ముద్దుగుమ్మ హంసానందని హీరోయిన్‌గా ఎంట్రీ ఇచ్చింది. అయినా కానీ హీరోయిన్‌గా అంతగా పాపులర్‌ కాలేదు కానీ, కొంచెం గ్యాప్‌ తీసుకుని 'మిర్చి' సినిమాతో హాట్‌ హాట్‌గా ఐటెం గాళ్‌గా ఎంట్రీ ఇచ్చింది. అంతే ఆ సినిమాతో అమ్మడి కెరీర్‌ టర్న్‌ తీసుకుంది. ఈ సినిమా సూపర్‌ హిట్‌ కావడంతో ఐటెం గాళ్‌గా లక్కీ మస్కెట్‌ అయిపోయింది హంసా నందిని. ఈ సినిమా నుండే హంసా నందిని ఉంటే ఆ సినిమా సూపర్‌ హిట్టే అనే బ్రాండ్‌ పడిపోయింది. ఆ తర్వాత ఐటెం గాళ్‌గా చాలా సినిమాల్లో నటించి మెప్పించింది. తాజాగా అమ్మడు నందమూరి కుర్రోడు ఎన్టీఆర్‌తో ఐటెం సాంగ్‌ చేసే ఛాన్స్‌ కొట్టేసింది. ఎన్టీఆర్‌ హీరోగా వస్తున్న 'జై లవ్‌ కుశ' సినిమాలో లక్కీ ఐటెం బాంబ్‌ హంసానందిని స్పెషల్‌ సాంగ్‌కి సర్వం సిద్ధం చేస్తున్నారట. గతంలో బాబాయ్‌ బాలకృష్ణతో ఓ సినిమాలో ఐటెం సాంగ్‌ చేసింది ఈ ముద్దుగుమ్మ. ఇప్పుడు అబ్బాయ్‌తో చిందేయనుంది. ఇటీవలే 'కిట్టు ఉన్నాడు జాగ్రత్త' సినిమాలో హంసా ఐటెం సాంగ్‌తో అదరగొట్టేసింది. అయితే తాజాగా ఎన్టీఆర్‌ సినిమాలో హంసా ఐటెం సాంగ్‌ కోసం భారీగా రెమ్యునరేషన్‌ అందుకుంటోందని ప్రచారం జరుగుతోంది. హంసా రెమ్యునరేషన్‌ ే ఇప్పుడు ఇండస్ట్రీలో హాట్‌ టాపిక్‌ అయ్యింది. అంతే కదా మరి డిమాండ్‌ ఉన్నప్పుడే చక్కబెట్టుకోవాలి. అదే చేస్తోంది ముద్దుగుమ్మ హంసానందిని. ఈ సినిమాకి కళ్యాణ్‌ రామ్‌ నిర్మాతగా వ్యవహరిస్తున్నారు. బాబీ దర్శకత్వంలో ఈ సినిమా తెరకెక్కుతోంది.
