టాలీవుడ్ లో ప్రజంట్ ప్రశాంత్ వర్మ పేరు మారుమోగుతోంది. పాన్ ఇండియా హిట్ కొట్టాడు ప్రశాంత్. 'ఆ' అనే విలక్షణ మైన సినిమాతో తన కెరియర్ ప్రారంభించి, మొదటి ప్రయత్నం లోనే, అందర్నీ ఆకట్టుకున్నాడు. నెక్స్ట్ కల్కి సినిమాతో తడబడ్డా, మళ్ళీ జాంబీ రెడ్డితో ట్రాక్ లోకి వచ్చాడు. తగ్గేదేలే అన్నట్టు ఎన్ని అవాంతరాలు వచ్చినా పెద్ద సినిమాలతో పోటీపడి ' హనుమాన్' ని సంక్రాతి రేస్ లో పెట్టి మరొక సక్సెస్ ని తన ఖాతాలో వేసుకున్నాడు. ఇప్పుడు అందరి ద్రుష్టి ప్రశాంత్ పైనే ఉంది. ఈ క్రమంలోనే మంచి ఛాన్స్ కొట్టేసినట్లు తెలుస్తోంది. హ్యాట్రిక్ హిట్స్ తో జోరు మీదున్న బాలయ్య బాబుతో సినిమా చేయనున్నాడని వార్తలు వస్తున్నాయి.
హానుమాన్ కంటే ముందే బాలయ్య, ప్రశాంత్ వర్మ కాంబినేషన్ లో సినిమా రావాల్సి ఉండగా, అనుకోని కారణాలవల్ల ఈ సినిమా పట్టాలెక్కలేదని, ఇప్పుడు వీరి కలయికలో మూవీ రానున్నట్లు టాక్. ఈ కథ కూడా డిఫరెంట్ గా ఉండనున్నట్లు సమాచారం. ఇప్పటివరకు ఎవ్వరు చూపించని ఒక కొత్త యాంగిల్ లో బాలయ్య ను, ప్రశాంత్ వర్మ చూపించనున్నాడట. ప్రస్తుతం బాలయ్య, బాబీతో చేస్తున్న సినిమా పూర్తి అయిన తర్వాత ప్రశాంత్ వర్మ, బాలయ్య చిత్రం సెట్స్ పైకి వెళ్ళనుందని టాక్.
