నంద‌మూరి బాల‌కృష్ణ - హ‌రీష్ శంక‌ర్‌లు క‌లిసి ఓ సినిమా చేయ‌బోతున్నారా? అవున‌నే టాక్ వినిపిస్తోంది. బాల‌య్య ప్ర‌స్తుతం బోయ‌పాటి శ్రీ‌ను సినిమాతో బిజీ కానున్నాడు. ఆ వెంట‌నే.. మ‌ల‌యాళ చిత్రం `అయ్య‌ప్ప‌మ్ కోషియ‌మ్‌` రీమేక్ చేయాల‌ని ప్లాన్. అందుకోసం త‌గిన ద‌ర్శ‌కుడ్ని వెదికే అన్వేష‌ణ‌లో ఉంది సితార ఎంట‌ర్‌టైన్‌మెంట్స్‌. ఎందుకంటే ఈ సినిమా రీమేక్ రైట్స్ ఆ సంస్థ ద‌గ్గ‌రే ఉన్నాయి. ఇప్ప‌టి వ‌ర‌కూ చాలామంది ద‌ర్శ‌కుల పేర్లు ప‌రిశీల‌న‌కు వ‌చ్చాయి. ఇప్పుడు బండి హ‌రీష్ శంక‌ర్ ద‌గ్గ‌ర ఆగిన‌ట్టు స‌మాచారం.

హ‌రీష్ శంక‌ర్ రీమేక్ సినిమాలు చేయ‌డంలో దిట్ట‌. గ‌బ్బ‌ర్ సింగ్‌ని ఎలా హ్యాండిల్ చేశాడో, గ‌ద్ద‌ల కొండ గ‌ణేష్‌ని ఎలా తీశాడో ప్ర‌త్యేకంగా గుర్తు చేయాల్సిన ప‌నిలేదు. పైగా త‌క్కువ టైమ్ లో మంచి అవుట్ పుట్ ఇవ్వ‌గ‌ల‌డు. అందుకే... హ‌రీష్ అయితే బాగుంటుంద‌ని చిత్ర‌బృందం భావిస్తోంది. ముందు బాల‌య్య ఈ సినిమా చూడాలి, ఆ త‌ర‌వాత‌.. ఏ ద‌ర్శ‌కుడైతే బాగుంటుందో ఆయ‌నే స‌ల‌హా ఇవ్వాలి. అందుకోసం నిర్మాత ఎదురుచూస్తున్నాడు.