'కుమారి 21ఎఫ్‌'తో హెబ్బా పటేల్‌ పేరు టాలీవుడ్‌లో మార్మోగిపోయింది. సుకుమార్‌ నిర్మాతగా రూపొందిన సినిమా ఇది. యంగ్‌ హీరో రాజ్‌ తరుణ్‌ హీరోగా తెరకెక్కింది. ఈ సినిమాలో హెబ్బా పటేల్‌ క్యారెక్టర్‌ చాలా బోల్డ్‌గా ఉంటుంది. ఆ తర్వాత చాలా సినిమాల్లో నటించిందీ బ్యూటీ. దాదాపు ప్రతీ సినిమాలోనూ అమ్మడి క్యారెక్టర్‌ అలాగే బోల్డ్‌గా ఉంటుంది.. ఏదో ఒకటీ అరా సినిమాలు మినహాయిస్తే తప్ప. 

అయితే తాజాగా ఈ బ్యూటీ మరో బోల్డ్‌ సినిమాలో నటిస్తోంది. సినిమా టైటిల్‌ ఏంటో తెలుసా? 'శ్రీలక్ష్మీ అండ్‌ 24 కిసెస్‌'. టైటిల్‌ చూస్తే 'కుమారి 21 ఎఫ్‌'నే తలపిస్తోంది. ఈ సుందరాంగి క్యారెక్టర్‌ కూడా దాదాపు అదే తరహాలో ఉంటుందట. కానీ కథ కొత్తగా ఉంటుందట. ఈ చిత్రాన్ని అయోధ్య కుమార్‌ తెరకెక్కిస్తున్నారు. గతంలో 'మిణుగురులు' అనే సందేశాత్మక చిత్రాన్ని తెరకెక్కించిన డైరెక్టరే ఈ అయోధ్య కుమార్‌. అప్పట్లో ఈ సినిమా విమర్శకులు ప్రశంసలు అందుకుంది. 'మిణుగురులు' వంటి క్లీన్‌ మూవీని తెరకెక్కించిన ఈ దర్శకుడు ఇప్పుడు హెబ్బా పటేల్‌తో బోల్డ్‌ కంటెన్ట్‌ మూవీని ఎంచుకోవడం వెనక పెద్ద రీజనే ఉందట. అయితే ఆ రీజన్‌ ఏంటనే సంగతి పక్కన పెడితే, హెబ్బాని మాత్రం ఈ సినిమాలో చాలా బోల్డ్‌గా చూపించబోతున్నాడట అయోధ్య కుమార్‌. 

అంతేకాదు .'కుమారి' తర్వాత 'శ్రీలక్ష్మీ అండ్‌ 24 కిసెసె'లో అంత బోల్డ్‌ క్యారెక్టర్‌లో కనిపించబోతున్నాననీ హెబ్బా పటేల్‌ చెప్పడం ఆశక్తిని కలిగిస్తోంది. సినిమాలో ఎంత బోల్డ్‌గా కనిపిస్తుందో ఏమో కానీ, హెబ్బా మాటలు అభిమానుల్లో ఆశక్తిని పెంచుతున్నాయి. 'ఎక్కడికి పోతావు చిన్నవాడా', 'ఏంజెల్‌', 'ఈడో రకం ఆడోరకం' తదితర సినిమాలతో హీరోయిన్‌గా మంచి గుర్తింపు తెచ్చుకుంది ముద్దుగుమ్మ హెబ్బా పటేల్‌.