అఖిల్ హలో చిత్రాన్ని ప్రమోట్ చెయ్యడానికి ఎటువంటి చిన్న అవకాశాన్ని సైతం వదులుకోవడం లేదు హలో టీం. మొన్ననే వైజాగ్ లో హలో ఆడియో విడుదల భారీ ఎత్తున చేసిన వెంటనే అఖిల్-కళ్యాణి లు రానాతో కలిసి అమెరికా వెళ్ళి హలో సినిమాని ప్రచారం చేశారు.

ఇక తెలంగాణలో ప్రమోషన్ చేయకపోతే ఎలా అనుకున్నారో ఏమో వెంటనే అది కూడా ప్లాన్ చేసేశారు. రేపు సాయంత్రం అనగా డిసెంబర్ 20న హైదరాబాద్ లో హలో ప్రీ-రిలీజ్ ఈవెంట్ ని చేయబోతున్నారు. ఇక దీనికి ముఖ్య అతిధిగా మెగాస్టార్ చిరంజీవిని ఆహ్వానించడం కూడా జరిగిపోయింది.

ఈ ఈవెంట్ లో కూడా అఖిల్ తన ఆట-పాటతో అందరిని కనువిందు చేయనున్నాడు అని సమాచారం. ఈ సినిమాని ప్రేక్షకుల్లోకి ఎలాగైనా తీసుకువెళ్ళాలి అన్న తపన మాత్రం ఈ చిత్ర యూనిట్ లో స్పష్టంగా కనిపిస్తున్నది.

చూద్దాం.. వీరి ప్రయత్నాలు ఎంతమేరకు ఫలితానిస్తాయో..