యంగ్‌ హీరో ఆది సాయికుమార్‌ హీరోగా నిలదొక్కుకునేందుకు తన ప్రయత్నాలు తాను చేస్తున్నాడు. కానీ సరైన హిట్‌ పడడం లేదు. 'లవ్‌లీ' తదితర చిత్రాలతో ఓ మోస్తరుగా ఆకట్టుకున్నా ఆదికి అసలు సిసలు మాస్‌ హిట్‌ పడాల్సిందే.
ప్రస్తుతం ఈ యంగ్‌ హీరో రెండు సినిమాల్లో నటిస్తున్నాడు. అందులో ఒకటి సీరియస్‌ మూవీ 'ఆపరేషన్‌ గోల్డ్‌ ఫిష్‌'. ఇటీవల విడుదలైన ఈ సినిమా ఫస్ట్‌లుక్‌ టీజర్‌కి మంచి రెస్పాన్స్‌ వచ్చింది. ఈ సినిమాలో ఆది పవర్‌ఫుల్‌ ఆర్మీ ఆఫీసర్‌గా నటిస్తున్న సంగతి తెలిసిందే. ఇదిలా ఉంటే, ఆది నటిస్తోన్న మరో చిత్రం ఫస్ట్‌లుక్‌ని తాజాగా విడుదల చేశారు. అదే 'బుర్రకథ'. ఒక మనిషికి రెండు మెదళ్లు ఉంటే ఎలా ఉంటుందనేది ఈ సినిమా కాన్సెప్ట్‌. కాన్సెప్ట్‌ని బట్టి ఇదేదో సీరియస్‌ మూవీ అనుకునేరు. పక్కా కామెడీ ఎంటర్‌టైనర్‌ అట. సీరియస్‌ కాన్సెప్ట్‌కి హెల్దీ కామెడీని జోడించి తెరకెక్కించబోతున్నారు డైమండ్‌ రత్నబాబు. ఈయన ప్రముఖ మాటల రచయితగా సుపరిచితుడు. ఈ సినిమాతోనే మెగాఫోన్‌ పట్టబోతున్నాడు. డైమండ్‌ గారి తొలి ప్రయత్నం ఫలించాలనీ, ఆదికి మంచి విజయం వరించాలనీ ఆశిద్దాం. ఈ సినిమాలో 'చిన్నదానా నీ కోసం' ఫేమ్‌ మిస్తీ చక్రవర్తి హీరోయిన్‌గా నటిస్తోంది. మరో భామకూ చోటుంది ఈ సినిమాలో.
ఆ ప్లేస్‌లో నైరాషా నటిస్తోంది. ఆది రెండు డిఫరెంట్‌ షేడ్స్‌లో కనిపిస్తున్న 'బుర్రకథ' తాజా ఫస్ట్‌లుక్‌కి మంచి రెస్పాన్స్‌ వస్తోంది.
