'హైపర్‌' సినిమా తర్వాత రామ్‌ చాలా గ్యాప్‌ తీసుకున్నాడు. 'హైపర్‌' ఆశించినంత విజయం అందించకపోవడంతో రామ్‌ కొంచెం జాగ్రత్తగా అడుగులు వేస్తున్నాడట. ఎట్టకేలకు కిషోర్‌ తిరుమలశెట్టి డైరెక్షన్‌లో సినిమా ఖరారు చేసుకున్నాడట రామ్‌. అతి త్వరలోనే అధికారికంగా ప్రకటించనున్నాడని తెలియవస్తోంది. క్యూట్‌ లుక్స్‌తో పక్కింటి అబ్బాయిలా కనిపించే, రామ్‌ ఈ గ్యాప్‌లో కొత్త కొత్త గెటప్స్‌ ట్రై చేశాడు. అందులో భాగంగా రామ్‌ గుబురు గెడ్డం, వత్తైన జుట్టుతో కనిపిస్తున్నాడు. ఈ గెటప్‌లో అభిమానుల తనని ఏక్‌సెప్ట్‌ చేస్తారా లేదా అని చెక్‌ చేస్తున్నాడు కాబోలు. మరోపక్క రామ్‌ కొత్త సినిమా ఎప్పుడెప్పుడా అంటూ ఎదురుచూస్తున్నారు ఫ్యాన్‌&. ఓ అభిమాని సరదాగా, రామ్‌తో ట్విట్టర్‌లో 'సినిమా అనౌన్స్‌ చేసేదాకా ఉపవాసం చేస్తా' అనడంతో, 'కొత్త టెన్షన్‌ పెట్టొద్దు తమ్ముడూ' అంటూ అంతే సరదాగా రిప్లయ్‌ ఇచ్చాడు ఈ మధ్యనే రామ్‌. అంటే అభిమానులు రామ్‌ కొత్త సినిమా పట్ల ఎంత క్యూరియాసిటీగా ఉన్నారో తెలుస్తోంది. మొత్తానికి తనకి 'నేను శైలజ..' సినిమాతో సూపర్‌ డూపర్‌ హిట్‌ ఇచ్చిన కిషోర్‌ తిరుమలతోనే సినిమా చేయడానికి రామ్‌ పచ్చజెండా ఊపాడు. కానీ డీటెయిల్స్‌ మాత్రం ఇంకా చెప్పలేదు. కానీ రామ్‌ తన కొత్త సినిమాలో ఇంతకు ముందెన్నడూ కనిపించని కొత్త గెటప్‌లో అయితే మాత్రం కనిపిస్తాడని తెలుస్తోంది.