ఈ మధ్యనే చెన్నైలో అనిత అనే విద్యార్ధిని NEET ర్యాంకుల విధానంతో తను అనుకున్న కోర్స్ రాకపోవడంతో ఆత్మహత్య చేసుకున్న సంగతి దేశవ్యాప్తంగా సంచలనం రేపిన విషయం మీకు విదితమే.
ఇక ఈ అంశంలో ప్రముఖ తమిళ సినీ ప్రముఖులు అనిత మరణానికి తమ సంతాపం తెలియచేస్తూ NEET ని రద్దు చేయాలనీ డిమాండ్ చేస్తున్నారు. ఇందులో భాగంగానే తమిళ స్టార్ హీరో విజయ్ అనిత కుటుంబసభ్యులని కలిసి వారిని పరామర్శించి వచ్చాడు. అలాగే వారికి ఎటువంటి కష్టం వచ్చినా, ఏదైనా సహాయం కావాలన్న తాను అండగా ఉంటాను అని హామీ కూడా ఇచ్చాడట.
ఇప్పటికే పలుమార్లు ప్రజలు కష్టాల్లో ఉన్నప్పుడు తనవంతుగా వారికి సంఘీభావం తెలియచేస్తూ వారి మనస్సులో చోటు సంపాదించుకున్న విజయ్ ఇప్పుడు మరోసారి తను చేసిన పనితో అందరి మనసులని గెలుచుకున్నాడు అని చెప్పాలి.
