శ్రీవిష్ణు హీరోగా తెరకెక్కుతోన్న చిత్రం 'తిప్పరా మీసం' ఈ రోజు ప్రేక్షకుల ముందుకు రానుంది. ఈ సినిమాకి పోటీగా మరో సినిమా లేకపోవడం శ్రీ విష్ణుకి బాగా కలిసొచ్చిన అంశం. ఏమాత్రం సినిమాకి పోజిటివ్‌ టాక్‌ వచ్చినా ఇంక శ్రీ విష్ణు వీర కుమ్ముడే. ఇప్పటికే ట్రైలర్‌తో పెంచిన అంచనాల దృష్ట్యా సినిమాపై ప్రీ రిలీజ్‌ టాక్‌ బాగుంది. సినిమా కంటెంట్‌ కూడా రా కంటెంట్‌ అవ్వడంతో సక్సెస్‌కి మార్గాలు ఎక్కువే అనిపిస్తోంది. ప్రమోషన్స్‌ బాగా నిర్వహించడం సినిమాకి మరో కలిసొచ్చే అంశం. టోటల్‌గా ప్రీ రిలీజ్‌ రిజల్ట్‌ కేక పుట్టించింది. మరి రిలీజ్‌ తర్వాత కూడా శ్రీ విష్ణు మీసం తిప్పుతాడా? చూడాలి మరి.
శ్రీ విష్ణుకి జోడీగా ఈ సినిమాలో నిక్కీ తంబోలీ నటించింది. తల్లీ కొడుకుల సెంటిమెంట్‌ కథలా కనిపిస్తున్న ఈ స్టోరీలో రోహిణి తల్లి పాత్ర పోషించింది. గత వారం విడుదలైన 'మీకు మాత్రమే చెప్తా', 'ఆవిరి' సినిమాలు అంతంత మాత్రమే అనిపించుకోవడంతో, అంతకు ముందు విడుదలైన 'ఖైదీ' సినిమాకే ప్రేక్షకులు మరో వారం రోజులు పట్టం కట్టారు. ఇక ఇప్పుడు మీసం తిప్పేందుకు సోలోగా వచ్చిన మొనగాడు శ్రీ విష్ణు, డబ్బింగ్‌ సినిమా కలెక్షన్లకు గండి కొడతాడో.? లేదో చూడాలంటే సినిమా రిజల్ట్‌ ఏంటో తెలియాలి. అందుకోసం ఫైనల్‌గా ఇంకాసేపు ఆగాల్సి ఉంది.
