గెడ్డం చ‌క్ర‌వ‌ర్తిగా సుప‌రిచిత‌మైన న‌టుడు జేడీ చ‌క్ర‌వ‌ర్తి. చాలా కాలం త‌ర‌వాత తెలుగులో ఓ సినిమాలో న‌టించాడు. అదే... `హిప్పీ`. ఈ సంద‌ర్భంగా చ‌క్ర‌వ‌ర్తి మీడియా ముందుకొచ్చాడు. ప‌వ‌న్ క‌ల్యాణ్‌, జ‌గ‌న్‌ల‌పై ఆస‌క్తిక‌ర‌మైన కామెంట్లు చేశాడు. ఇటీవ‌ల జ‌రిగిన అసెంబ్లీ ఎన్నిక‌ల‌లో పోటీ చేసిన ప‌వ‌న్ క‌ల్యాణ్ రెండు చోట్లా ఓట‌మి పాలైన సంగతి తెలిసిందే. అయితే జేడీ మాత్రం `ప‌వ‌న్ గెలిచి ఉంటే బాగుండేది` అనే అభిప్రాయం వ్య‌క్తం చేశాడు.

ప‌వ‌న్ ముక్కుసూటి మ‌నిష‌ని, నిజాయ‌తీగా ఉంటాడ‌ని, త‌ను గెలిచుంటే బాగుండేది అనిపించింద‌ని చెప్పుకొచ్చాడు. జ‌గ‌న్‌పై కూడా కొన్ని కామెంట్లు చేశాడు జేడీ. జ‌గ‌న్‌కి తెలుగు ప్ర‌జ‌లు ఓ అవ‌కాశం ఇచ్చి చూడాల‌నుకున్నార‌ని, జ‌గ‌న్ గెల‌వ‌డం సంతోషాన్ని ఇచ్చింద‌ని చెప్పుకొచ్చాడు. మ‌హేష్ బాబు కి జేడీ ఓ స‌ల‌హా ఇచ్చాడు. పోకిరిలాంటి పాత్ర‌లు మ‌హేష్‌కి బాగుంటాయ‌ని, లార్జ‌న్ దెన్ లైఫ్ పాత్ర‌ల్లో ఎందుకో మ‌హేష్‌ని చూడ‌లేన‌న్నాడు చ‌క్ర‌వ‌ర్తి.