ఈమ‌ధ్య తెలుగు సినిమాల‌వైపు హిందీ వాళ్ల దృష్టి ప‌డింది. తెలుగులో హిట్టు కొట్టిన సినిమాల్ని మంచి రేటు ఇచ్చి ఎగ‌రేసుకుపోతున్నారు. హిందీలో రీమేక్ చేసి, అక్క‌డా హిట్లు కొడుతున్నారు. తాజాగా వాళ్ల చూపు `హిట్ ` సినిమాపై ప‌డింది. నాని నిర్మాత‌గా రూపొందిన ఈ చిత్రంలో విశ్వ‌క్ సేన్ క‌థానాయకుడు. ఈ చిత్రం ఇప్పుడు హిందీలో రీమేక్ అవ్వ‌బోతోంది. దిల్‌రాజు నిర్మాత. హీరోగా రాజ్ కుమార్ రావ్‌ని ఎంచుకున్నారు.
తెలుగు లో తీసిన శైలేష్ నే ద‌ర్శ‌క‌త్వం వ‌హించ‌నున్నారు. 2021 ప్ర‌ధ‌మార్థంలో ఈ చిత్రం సెట్స్‌పైకి వెళ్ల‌నుంది. హిట్ కి సీక్వెల్ ఉంటుంద‌ని అప్ప‌ట్లో శైలేష్ ప్ర‌క‌టించారు. హిట్ సినిమా క్లైమాక్స్ లోనూ.. సీక్వెల్ ఉంటుంద‌ని హింట్ ఇచ్చారు. మ‌రి ఆ ప్ర‌య‌త్నాలు ఎంత వ‌ర‌కూ వ‌చ్చాయో..?? ఎలాగూ.. హిట్ హిందీకి వెళ్లోంది కాబట్టి, ముందు హిందీలో హిట్ తీసి, అప్పుడు సీక్వెల్ గురించి ఆలోచిస్తారేమో..?
