నేచుర‌ల్ స్టార్ నాని నిర్మాత‌గా తెర‌కెక్కించిన చిత్రం `హిట్`. విశ్వ‌క్ సేన్ క‌థానాయ‌కుడిగా న‌టించిన ఈ చిత్రం శుక్ర‌వారం విడుద‌లైంది. ప్ర‌చార చిత్రాలు ఆస‌క్తిక‌రంగా ఉండ‌డం, నాని సినిమా అనే ముద్ర ప‌డ‌డంతో... శుక్ర‌వారం మంచి ఓపెనింగ్‌నే అందుకుంది. శ‌ని, ఆదివారాలు సైతం వ‌సూళ్లు స్ట‌డీగానే ఉన్నాయి. మొత్తానికి మూడు రోజుల్లోనూ 3.49 కోట్లు రాబ‌ట్టింది. రెండు తెలుగు రాష్ట్రాల‌లోనూ 4 కోట్ల‌కు ఈ సినిమాని అమ్మేశారు. అంటే... దాదాపుగా పెట్టుబ‌డి తిరిగి వ‌చ్చేసిన‌ట్టే.
నైజాంలో అత్య‌ధికంగా 2 కోట్లు రాబ‌ట్టింది. సీడెడ్‌లో 26 ల‌క్ష‌లు వ‌చ్చాయి. ఉత్త‌రాంధ్ర‌లో 35 ల‌క్ష‌లు, గుంటూరులో పాతిక ల‌క్ష‌లు తెచ్చుకుంది. ఈస్ట్ వెస్ట్ క‌లిపి 30 ల‌క్ష‌లు సంపాదించింది. క్లైమాక్స్ కాస్త వీక్ గా ఉండ‌డం, ద్వితీయార్థంలో సినిమా న‌త్త‌న‌డ‌క తో సాగ‌డంతో హిట్ సినిమాకి యావ‌రేజ్ మార్కులు ద‌క్కాయి. క్లైమాక్స్ కూడా బ‌లంగా ఉంటే.. ఈ సినిమాకి మరిన్ని వ‌సూళ్లు ద‌క్కేవి. సినిమా ఎలా ఉన్నా బ‌య్య‌ర్లు సేఫ్ జోన్‌లో ప‌డ్డారు. నిర్మాత‌గా నాని కూడా లాభాల్లో ఉన్నాడు. అంత‌కంటే ఏం కావాలి??
