మెగా కాంపౌండ్‌ హీరో వైష్ణవ్‌ తేజ్‌ డెబ్యూ చేస్తున్న సినిమా ‘ఉప్పెన’ నుండి ఫస్ట్‌ సింగిల్‌ రిలీజ్‌ చేశారు. అంచనాలకు మించి ఈ ఫస్ట్‌ సింగిల్‌ ఆకట్టుకుంటోంది. వినసొంపైన లిరిక్స్‌తో, ప్లెజెంట్‌ ఎట్మాస్పియర్‌ విజువల్స్‌తో రిలీజైన ఈ వీడియో సినిమాపై అంచనాల్ని అమాంతం పెంచేసింది. ఇంతవరకూ రిలీజ్‌ చేసిన ఫస్ట్‌లుక్స్‌ ఓ ఎత్తు. లేటెస్ట్‌ వీడియో సాంగ్‌ మరో ఎత్తు అనేలా ఉంది. కొత్త భామ కృతి శెట్టి సినిమాకి పెద్ద ఎస్సెట్‌ అయ్యేలానే ఉంది. సొట్ట బుగ్గలతో క్యూట్‌ క్యూట్‌గా అలరిస్తోంది. ‘ఇష్క్‌ షిఫానా..’ అంటూ లవబుల్‌ హిందీ లిరిక్స్‌తో స్టార్ట్‌ అయిన ఈ సాంగ్‌ తర్వాత ‘నీ కన్ను నీలి సముద్రం.. అందుట్లో నా మనసు పడవ ప్రయాణం.. నీ నవ్వు ముత్యాల హారం.. అందుట్లో నేనేమో దారం దారం..’ అంటూ తెలుగు లిరిక్స్‌ అందుకుంది.

ఈ లిరిక్స్‌ మనసుకు హత్తుకుంటున్నాయి. హీరోయిన్‌ని చూస్తూ ఫీలయ్యే హీరో, హీరోయిన్‌ క్యూట్‌ అప్పీల్‌.. సాంగ్‌ని నెక్స్‌ట్‌ లెవల్‌కి తీసుకెళ్లాయి. దేవిశ్రీ ప్రసాద్‌ మ్యూజిక్‌, శ్రీమణి లిరిక్స్‌ అద్భుతంగా సెట్టయ్యాయి. సుకుమార్‌ శిష్యుడు బుచ్చిబాబు దర్శకత్వంలో తెరకెక్కుతోన్న ఈ సినిమాని మైత్రీ మూవీస్‌ బ్యానర్‌ నిర్మిస్తోంది. విలక్షణ నటుడు విజయ్‌ సేతుపతి కీలక పాత్ర పోషిస్తున్నాడు. ఏప్రిల్‌ 2న వరల్డ్‌ వైడ్‌గా గ్రాండ్‌ రిలీజ్‌ అవుతోంది ‘ఉప్పెన’.