రాజమౌళి తెరకెక్కిస్తున్న ప్రతిష్ఠాత్మక చిత్రం 'ఆర్‌ఆర్‌ఆర్‌'లో విదేశీ భామ డైసీ ఎడ్గర్‌ జోన్స్‌ ఒక హీరోయిన్‌గా నటిస్తున్న సంగతి తెలిసిందే. ఎన్టీఆర్‌కి జోడీగా ఈ ముద్దుగుమ్మని ఎంచుకున్నారు. అయితే కొన్ని ప్రత్యేక కారణాల వల్ల డైసీ ఈ ప్రాజెక్ట్‌ నుండి తప్పుకున్నట్లు చిత్రయూనిట్‌ అధికారికంగా ప్రకటించింది. ఇప్పుడా స్థానాన్ని ఫుల్‌ ఫిల్‌ చేసే హీరోయిన్‌ కోసం మళ్లీ రాజమౌళి అండ్‌ టీమ్‌ కసరత్తులు చేస్తోంది.
Due to unavoidable circumstances, @DaisyEdgarJones is no longer a part of our film. We hope she has a brilliant future. #RRR
— RRR Movie (@RRRMovie) April 5, 2019
హాలీవుడ్‌ నుండే ఈ ముద్దుగుమ్మని తీసుకురావాలని చిత్రయూనిట్‌ భావిస్తోందట. సినిమాపై అంచనాలు పెరిగేందుకు హీరోయిన్‌ లిస్టులో విదేశీ భామ పేరు కూడా ఓ కారణమే. సో ఆ అంచనాల్ని అలాగే ఉంచాలంటే తర్వాత ఎంచుకోబోయే హీరోయిన్‌ని కూడా హాలీవుడ్‌ నుండే తీసుకురావాలి. ఆ హాలీవుడ్‌ భామ ఎవరై ఉంటారనే ఉత్కంఠ మళ్లీ ఆడియన్స్‌లో నెలకొంది. బాలీవుడ్‌ ముద్దుగుమ్మ అలియాభట్‌ ఓ హీరోయిన్‌గా నటిస్తున్న సంగతి తెలిసిందే.
ఇటీవల చరణ్‌ కాలికి గాయం కారణంగా షూటింగ్‌ మూడు వారాలపాటు వాయిదా వేశారు. ఇప్పుడు జరిగే ఈ షూటింగ్‌ షెడ్యూల్‌ చాలా లాంగ్‌ షెడ్యూల్‌ కావడం, ఈ షెడ్యూల్‌లో హీరోయిన్లు కూడా పాల్గొనాల్సి రావడం, అనుకోకుండా షూటింగ్‌ వాయిదా పడడంతో, డేట్స్‌ అడ్జస్ట్‌ కాకపోవడం వల్లే డైసీ ఈ ప్రాజెక్ట్‌ నుండి తప్పుకుందనే సమాచారమ్‌ అందుతోంది. ఏది ఏమైనా మరోసారి 'ఆర్‌ఆర్‌ఆర్‌' హీరోయిన్‌ టాపిక్‌ హాట్‌ టాపిక్‌ అయ్యిందిప్పుడు.
