బాలీవుడ్‌ గ్రీకువీరుడు హృతిక్‌ రోషన్‌ని చూసి టాలీవుడ్‌ ముద్దుగుమ్మ పూజా హెగ్దే షాకైందట. అదేంటీ అనుకుంటున్నారా? అవును ఓ పోస్టర్‌లో హృతిక్‌ని చూసి పూజా షాకైందట. ఏంటా పోస్టర్‌? ఏంటా షాకింగ్‌ న్యూస్‌.? అనుకుంటున్నారా? 

బీహార్‌కు చెందిన ఆనంద్‌కుమార్‌ రూపొందించిన 'సూపర్‌ 30' ప్రోగ్రామ్‌ నేపథ్యంలో ఓ సినిమా తెరకెక్కుతోంది. అందులో హృతిక్‌ రోషన్‌ ఆనంద్‌ కుమార్‌ పాత్ర పోషిస్తున్నాడు. 30 మంది విద్యార్ధుల మధ్యలో హృతిక్‌ కూర్చుని ఉన్న పోస్టర్‌ని ఈ రోజు టీచర్స్‌ డే సందర్భంగా చిత్ర యూనిట్‌ విడుదల చేసింది. ఆ పోస్టర్‌లో హృతిక్‌ని ట్రాన్స్‌ఫర్మేషన్‌ చూసి పూజా హెగ్ధే షాక్‌ తిన్నదట. అంతలా ఆ పాత్రలో హృతిక్‌ లీనమైపోయాడు మరి. అంతేగా హృతిక్‌కి ఎలాంటి పాత్ర వేసినా అంతే ఆ పాత్రలో పరకాయ ప్రవేశం చేసేస్తాడు. 

ఇకపోతే ఇంతకీ ఈ ఆనంద్‌కుమార్‌ కథేంటంటారా? టాలెంట్‌ ఉండి చదువుకునే స్థోమత లేని పిల్లలకు ఆనంద్‌ కుమార్‌ ట్రిపుల్‌ ఐటీలో శిక్షణ ఇప్పిస్తూ ఉంటారు. ఏటా 30 మంది పిల్లల చొప్పున ఎంచుకుని వారిని ఐటీ జమ్స్‌లా తీర్చిదిద్దుతుంటారు ఆనంద్‌ కుమార్‌. అలాంటి ఓ గొప్ప అధ్యాపకుని పాత్రనే హృతిక్‌ రోషన్‌ ఈ సినిమాలో పోషిస్తున్నారు. 

తాజాగా విడుదలైన పోస్టర్‌పై 'రాజు కుమారుడు రాజు కాలేడు. ఎవరికైతే హక్కుంటుందో వారే రాజవుతాడు..' అని రాసున్న క్యాప్షన్‌ హైలైట్‌గా నిలిచింది. ఈ పోస్టర్‌ని తన ట్విట్టర్‌లో షేర్‌ చేస్తూ పూజాహెగ్దే పై విధంగా స్పందించింది. గతంలో బాలీవుడ్‌లో హృతిక్‌తో కలిసి 'మొహంజోదారో' చిత్రంలో నటించింది పూజాహెగ్దే.