ఈ ఏడాది డిశంబర్‌ సినిమాల జోరు భలే హుషారుగా ఉంది. ఏకంగా ఐదారు సినిమాలు డిశంబర్‌ సీజన్‌లో విడుదల కానున్నాయి. రవితేజ 'డిస్కోరాజా', మెగా మేనల్లుడు సాయి ధరమ్‌ తేజ్‌ 'ప్రతిరోజూ పండగే' చిత్రాలతో పాటు, సీనియర్‌ హీరో బాలయ్య కూడా 'రూలర్‌'తో ఈ డిశంబర్‌కే ప్రేక్షకుల ముందుకు వస్తున్నాడు. వీరందరితో పాటు, నేనేం తక్కువ కాదు.. అంటూ యంగ్‌ హీరో రాజ్‌తరుణ్‌ కూడా ఈ సీజన్‌లోనే స్లాట్‌ బుక్‌ చేసుకున్నాడు. డిశంబర్‌ 25న రాజ్‌తరుణ్‌ తన కొత్త సినిమా 'ఇద్దరి లోకం ఒకటే' తో ప్రేక్షకుల ముందుకు రానున్నాడు. దిల్‌ రాజు ఈ సినిమాకి నిర్మాత.
'ఉయ్యాల జంపాల' సినిమాతో ఎంట్రీ ఇచ్చి, తొలి సినిమాకే హిట్‌ కొట్టి, తర్వాత వరుస సినిమాలూ, వరుస విజయాలతో డబుల్‌ హ్యాట్రిక్‌ హీరోగా రాజ్‌తరుణ్‌ పాపులరయ్యాడు. కానీ, ఈ మధ్య రాజ్‌తరుణ్‌కి ఏమీ అంతగా కలిసి రావడం లేదు. సరైన హిట్‌ వచ్చి చాలా కాలమే అయ్యింది. 'ఇద్దరి లోకం ఒకటే'తో మళ్లీ మ్యాజిక్‌ చేయాలనుకుంటున్నాడు. ఫుల్‌ కాన్ఫిడెన్స్‌తో ఈ సీజన్‌లో రానున్న హీరోలకు గట్టి పోటీ ఇస్తానంటున్నాడు. చూడాలి మరి, రాజ్‌ తరుణ్‌ అనుకున్నది సాధిస్తాడో లేదో.
