ప‌వ‌న్ రీ ఎంట్రీ ఖాయ‌మైపోయింది. త‌న ముందు ఉన్న ఆప్ష‌న్స్ లో ప‌వ‌న్ ఒక‌టి ఎంచుకున్నాడు. అదే `పింక్ ` రీమేక్‌. బాలీవుడ్‌లో ఘ‌న విజ‌యం సాధించ‌డ‌మే కాకుండా, త‌మిళంలోనూ మంచి స్పంద‌న తెచ్చుకున్న సినిమా ఇది. అమితాబ్ పాత్ర‌లో ప‌వ‌న్ క‌ల్యాణ్ న‌టించ‌బోతున్నాడు. ఈ రీమేక్‌కోసం చాలామంది ద‌ర్శ‌కులు పోటీ ప‌డ్డారు. హ‌రీష్ శంక‌ర్‌, క్రిష్ లాంటి వాళ్లు రేసులో నిలిచారు. అయితే అనూహ్యంగా ఆ అవ‌కాశం వేణు శ్రీ‌రామ్‌కి ద‌క్కింది.
దిల్ రాజు కాంపౌండ్ వ్య‌క్తి.. వేణు శ్రీ‌రామ్‌. దిల్ రాజు సినిమాల‌కు తెర వెనుక చేదోడు వాదోడుగా ఉంటూ వ‌చ్చాడు. అల్లు అర్జున్ తో `ఐకాన్‌` సినిమా చేసే ఛాన్స్ కూడా వ‌చ్చింది. అయితే ఆ సినిమా ఆగిపోయింది. దానికి ప్ర‌తిగా.. వేణు శ్రీ‌రామ్‌కి దిల్ రాజు ఈ ఆఫ‌ర్ ఇచ్చిన‌ట్టు తెలుస్తోంది. ఈ చిత్రానికి త్రివిక్ర‌మ్ మాట‌లు అందిస్తున్నారు. 2020 ప్ర‌ధ‌మార్థంలోనే ఈసినిమా ప‌ట్టాలెక్క‌బోతోంది. ప‌వ‌న్ అభిమానుల‌కు ఇంత కంటే గుడ్ న్యూస్ ఇంకేముంటుంది?
