విజయ్ క‌థానాయ‌కుడిగా వంశీ పైడిప‌ల్లి ద‌ర్శ‌క‌త్వంలో ఓ సినిమా రూపుదిద్దుకొంటోంది. దిల్ రాజు నిర్మాత. దీనికి `వార‌సుడు` అనే టైటిల్ పెట్టారు. వ‌చ్చే సంక్రాంతికి ప్రేక్ష‌కుల ముందుకు రాబోతోంది.
ఈ సినిమాకి సంబంధించిన కొన్ని స్టిల్స్, వ‌ర్కింగ్ స్టిల్స్ బ‌య‌ట‌కువ‌చ్చాయి. అవి చూస్తే.. అచ్చం మ‌హ‌ర్షి సినిమానే గుర్తొస్తుంది. మహేష్ బాబు - వంశీ పైడిప‌ల్లిల కాంబినేష‌న్‌లో రూపొందిన సినిమా అది. ఆ సినిమా ఛాయ‌లు.. `వార‌సుడు`పై ప‌డ్డాయి. విజయ్ కాస్ట్యూమ్స్‌, సినిమా మూడ్‌, ఆఖ‌రికి లొకేష‌న్లు సైతం `మ‌హ‌ర్షి`ని పోలి ఉండ‌డం విశేషం. దాంతో ఫ్యాన్స్ రెండు ఫొటోల్నీ ప‌క్క ప‌క్క‌న పెట్టి ఇది మ‌హ‌ర్షి 2 కాదు క‌దా.. అంటూ ట్రోల్స్ చేయ‌డం మొద‌లెట్టారు. మ‌హర్షికి కూడా నిర్మాత దిల్ రాజునే. మ‌రి అదే క‌థ అయితే దిల్ రాజు ఎలా ఒప్పుకొంటాడు..? మరో ఆస‌క్తిక‌ర‌మైన విష‌యం ఏమిటంటే.. ఈ క‌థ‌ని ముందు మ‌హేష్‌కే చెప్పారు. ఆయ‌న `నో` అన‌డంతో.. విజయ్ వ‌ర‌కూ వ‌చ్చింది. ఇందులో కూడా హీరో మ‌ల్టీమిలీనియ‌ర్ అట.. త‌న సొంత ఊరులో అడుగుపెట్టి, అక్క‌డ కొన్ని స‌మ‌స్య‌ల్ని ప‌రిష్క‌రిస్తాడ‌ట.
దాదాపుగా మ‌హ‌ర్షి కాన్సెప్టు కూడా ఇదే. అందుకే ఫ్యాన్స్ పోలిక‌లు వెద‌క‌డంలో పోటీ ప‌డుతున్నారు. మ‌రి మ‌హ‌ర్షికీ ఈ క‌థ‌కూ ఉన్న సంబంధం ఏమిటో తెలియాలంటే ఇంకొంత కాలం ఆగాలి.
