తెలుగులో సూప‌ర్ డూప‌ర్ హిట్‌గా నిలిచిన చిత్రం ఇస్మార్ట్ శంకర్. పూరి జ‌గ‌న్నాథ్‌ని మ‌ళ్లీ ఫామ్‌లోకి తీసుకొచ్చిన సినిమా ఇది. రామ్‌లో మాస్ కోణాన్ని నూటికి 200 శాతం ఆవిష్క‌రించిన క‌థ ఇది. ఇప్పుడు యూట్యూబ్‌లోనూ రికార్డుల మోత మోగిస్తోంది. ఇటీవ‌ల `ఉస్తాద్` పేరుతో ఈ సినిమాని హిందీలో డ‌బ్ చేసి వ‌దిలారు. యూట్యూబ్ లో విడుద‌లైన తొలి 24 గంట‌ల్లోనే 20 మిలియ‌న్ల వ్యూస్‌ని దాటేసింది.
యూ ట్యూబ్‌లో ఓ సౌత్ ఇండియన్ సినిమాని ఇంత త‌క్కువ స‌మ‌యంలో ఇంత ఎక్కువ మంది చూడ‌డం ఇదే ప్ర‌ధ‌మం. అంతే కాదు.. తొలి 24 గంట‌ల్లో 5 ల‌క్ష‌ల లైకులు సాధించి మ‌రో రికార్డు సృష్టించింది. రాబోయే రోజుల్లో ఉస్తాద్... అన్ని యూ ట్యూబ్ రికార్డులూ బద్ద‌లు కొట్ట‌డం ఖాయంగా కనిపిస్తోంది. రామ్‌కి యూ ట్యూబ్‌లో మంచి రికార్డే ఉంది. త‌న గ‌త చిత్రాలు నేను శైల‌జ, ఉన్న‌ది ఒక‌టే జింద‌గీ, హ‌లో గురు ప్రేమ కోస‌మే.. హిందీ డ‌బ్బింగ్ రూపంలో మంచి వ్యూస్ సంపాదించుకున్నాయి. ఇప్పుడు ఆ అంకెల్ని ఉస్తాద్ తొలి 24 గంట‌ల్లోనే దాటేసింది.
