ఇస్మార్ట్ శంక‌ర్‌లో న‌భా న‌టేషా చెల‌రేగిపోయింది. న‌భాలో ఇంత టాలెంట్ ఉందా??  అని చిత్ర‌సీమ కూడా ఆశ్చ‌ర్య‌పోయింది. ఈ సినిమాతో న‌భా పెద్ద హీరోల దృష్టిలో ప‌డడం ఖాయం. అంత‌కంటే ముందు రాంగోపాల్ వ‌ర్మ కంట్లో ప‌డిపోయింది.  గ్లామ‌ర్ ఎక్క‌డున్నా - ఆశీర్వ‌దించ‌డానికి అక్క‌డ ప్ర‌త్య‌క్ష్య‌మైపోతాడు వ‌ర్మ‌. ఈసారి త‌న మ‌న‌సుని గెలుచుకునే అవ‌కాశం మాత్రం న‌భా న‌టేషాకి ద‌క్కింది.

`ఇస్మార్ట్ శంక‌ర్‌`లో అణువ‌ణువూ వ‌ర్మ‌కి తెగ నచ్చేసింది. అందుకే ఈ సినిమాకి త‌న‌వంతుగా అద‌న‌పు ప్ర‌చారం తీసుకురావ‌డానికి వ‌ర్మ ప్ర‌య‌త్నిస్తున్నాడు. ప్ర‌స్తుతం న‌భాని పొగిడే కార్య‌క్ర‌మం చేప‌ట్టాడు వ‌ర్మ‌. `ఇలియానా 2.ఓ` అంటూ న‌భాకి తిరుగులేని కితాబిచ్చాడు. ఇలియానా కూడా పూరి తీసిన `పోకిరి`తో స్టార్ హీరోయిన్ అయిపోయింది. ఇప్పుడు ఇస్మార్ట్ శంక‌ర్‌తోనూ... న‌భా పంట పండ‌బోతోంద‌న్న‌ది వ‌ర్మ న‌మ్మ‌కం.

ఒక‌ప్పుడు ఇలియానా త‌న ఒంపుసొంపుల‌తో టాలీవుడ్‌ని షేక్ చేసింది. ఇలియానా వైభ‌వం త‌గ్గాక ఆ స్థాయిలో రెచ్చిపోయిన క‌థానాయిక‌లు లేర‌నే చెప్పాలి. ఇప్పుడు న‌భా వ‌చ్చింది. త‌నేం మ్యాజిక్ చేస్తుందో చూడాలి.