ఐసీసీ వరల్డ్‌ కప్‌లో వరుస విజయాలు అందుకుంటూ ఇండియన్‌ క్రికెట్‌ టీమ్‌ ఫైనల్‌ దిశగా పరుగులు పెడుతోంది. ఆ క్రమంలో జూలై 14న వరల్డ్‌ కప్‌ ఫైనల్‌ జరగనుంది. ఈ మాట ఇలా కాస్సేపు పక్కన పెట్టండి. కానీ, గుర్తు అట్టేపెట్టుకోండి. ఇప్పుడే వచ్చేద్దాం చిటికెలో. డేరింగ్‌ డైరెక్టర్‌ పూరీ జగన్నాధ్‌, ఎనర్జిటిక్‌ రామ్‌ కాంబినేషన్‌లో తెరకెక్కుతోన్న 'ఇస్మార్ట్‌ శంకర్‌' సినిమా ఉంది కదా. ఆ సినిమాని జూలై 12న ప్రేక్షకుల ముందుకు తీసుకురావాలని నిర్ణయించారు.
అయితే, అప్పటికింకా వరల్డ్‌ కప్‌ ఫైనల్‌ మ్యాచ్‌ ఫిక్స్‌ కాలేదుగా. కానీ, ఇప్పుడు ఆ డేట్‌ ఫిక్సయ్యింది. సో మన ఇస్మార్ట్‌ శంకర్‌ టీమ్‌ సో స్మార్ట్‌ కదా. అందుకే స్మార్ట్‌గా ఆలోచించేసి, తమ సినిమా విడుదలను కాస్త వెనక్కి పెట్టుకున్నారు. ఎందుకొచ్చిన తంటాలే అనుకున్నారు కాబోలు. ఎంతైనా వరల్డ్‌ కప్‌ ఫైనల్‌ కదా. ఎంత కాదన్నా ఆ ఫీవర్‌ అందరికీ ఎఫెక్ట్‌ అవుతుంది. ఇప్పుడు అర్ధమైంది కదా. ఇస్మార్ట్‌ శంకర్‌కీ, వరల్డ్‌ కప్‌కీ లింకు.
హా.. అందుకే ఈ లింకుతోనే 'ఇస్మార్ట్‌ శంకర్‌' రిలీజ్‌ డేట్‌ జూలై 18కి జరిగింది. అసలే ఇస్మార్ట్‌ శంకర్‌ అంచనాల మీదున్నాడు. నిధి అగర్వాల్‌, నభా నటేష్‌ల డబుల్‌ గ్లామర్‌.. రామ్‌ డబుల్‌ స్టైలింగ్‌.. పక్కా హైద్రాబాదీ డబుల్‌ మాస్‌.. ఇలా ఒక్కటేంటీ.. ఈ సినిమా విషయంలో మొదట్నుంచీ హైప్‌ డబుల్‌ అనే స్థాయిలోనే ఉంది. సో ఇస్మార్ట్‌ టీమ్‌ ఇస్మార్ట్‌ డెసిషన్‌.. కీప్‌ ఇట్‌ అప్‌.
