జ‌బ‌ర్థస్త్ క‌మెడియ‌న్ హైప‌ర్ ఆదికి చేదు అనుభ‌వం ఎదురైంది. అదీనూ ఓ ప‌వ‌న్ క‌ల్యాణ్ స‌భ‌లో. హైప‌ర్ ఆది జ‌న‌సేన‌కు మ‌ద్ద‌తుగా ప్ర‌చారం చేస్తున్న సంగ‌తి తెలిసిందే. చిత్తూరు జిల్లా పుంగనూరు నియోజకవర్గం సోమల మండలం కందూరులో ఆదివారం జ‌న‌సేన స‌భ జ‌రిగింది. ఈ కార్య‌క్ర‌మానికి హైప‌ర్ ఆది వెళ్లాడు. హైప‌ర్ వెళ్లే స‌మ‌యానికి స‌భా వేదిక‌పై జ‌న‌సేన - వైకాపా కార్య‌క‌ర్త‌ల మ‌ధ్య వాగ్వీవాదం న‌డుస్తోంది.

హైప‌ర్ ఆది కారు చూడ‌గానే వైకాపా నేత‌లు మ‌రింత రెచ్చిపోయి, కారుపై దాడి చేశారు. అంత గంద‌ర‌గోళంలోనూ వేదిక చేరిన హైప‌ర్ ఆది, ప‌వ‌న్‌కి మ‌ద్ద‌తుగా, జ‌గ‌న్‌కి వ్య‌తిరేకంగా మాట్లాడేస‌రికి.. వైకాపా కార్య‌కర్త‌లు మ‌రింత రెచ్చిపోయి... అల్ల‌రి చేయ‌డంతో... హైప‌ర్ ఆది త‌న ప్ర‌సంగాన్ని మ‌ధ్య‌లో వ‌దిలేసి, అక్క‌డి నుంచి వెళ్లిపోయాడు. ఈ తోపులాట‌ల్లో హైప‌ర్ కారు స్వ‌ల్పంగా ధ్వంస‌మైంది.