హీరోయిన్‌గా తొలి సినిమా ధర్మ ప్రొడక్షన్స్‌ బ్యానర్‌లో నటించింది జాన్వీ కపూర్‌. 'ధడక్‌' సినిమాతో తన సొంత బ్యానర్‌ అయిన ధర్మ ప్రొడక్షన్స్‌లో జాన్వీని హీరోయిన్‌గా పరిచయం చేశాడు దర్శక, నిర్మాత కరణ్‌ జోహార్‌. ఆ తర్వాత కూడా అదే బ్యానర్‌లో జాన్వీ తన రెండో సినిమాని సైన్‌ చేసింది. అదే 'తక్త్‌'. అలియాభట్‌ ప్రధాన పాత్ర పోషిస్తున్న ఈ సినిమాలో జాన్వీతో కీలక పాత్ర పోషిస్తోంది. తాజాగా జాన్వీ కపూర్‌ ఇదే బ్యానర్‌లో ముచ్చటగా మూడో సినిమాకీ సైన్‌ చేసింది. అదే 'దోస్తానా' సీక్వెల్‌.
అప్పట్లో మంచి విజయం సాధించిన 'దోస్తానా' సినిమాకి ఇన్నాళ్ల తర్వాత సీక్వెల్‌ రూపొందిస్తున్నారు. ప్రియాంకా చోప్రా, అభిషేక్‌ బచ్చన్‌, జాన్‌ అబ్రహాం ఈ సినిమాలో కీలక పాత్రలు పోషించారు. తాజా సీక్వెల్‌కి సంబంధించి ప్రియాంకా చోప్రా పాత్రలో జాన్వీ కపూర్‌ నటించనుందట. ఇద్దరు హీరోల్లో ఒకరు కొత్త హీరోని పరిశీలిస్తున్నారట. రెండో హీరోగా కార్తీక్‌ ఆర్య పేరు పరిశీలనలో ఉంది.
తొలి సినిమా నుండీ జాన్వీ కపూర్‌ గ్లామర్‌కి దూరంగా ఉన్న పాత్రలే ఎంచుకుంటోంది. ఈ సినిమాలో జాన్వీ బీభత్సమైన గ్లామర్‌ ప్రదర్శించనుందట. ఇంతవరకూ జాన్వీ ఆఫ్‌ స్క్రీన్‌ గ్లామర్‌నే చూశాం. ఈ సినిమాతో జాన్వీకపూర్‌ ఆన్‌ స్క్రీన్‌ గ్లామర్‌ కూడా చూడబోతున్నామన్నమాట. త్వరలో ఈ ప్రాజెక్ట్‌ పట్టాలెక్కనుందట.
